Smartphone hmanga pawisa in pekna(payment/transfer) a ni a. Email address (ID) kan tih ang deuh hian, Bank leh institution tin in address an nei hrang vek thin. Eg:
SBI – username@sbi
ICICI – username@icici

Tunlai hrileng karah Digital payment hi inkhawih lova pawisa kan in pek (contactless payment) kan tih theihna tur a ni a, kan hman theih chuan a tha hle dawn a ni.

UPI ID hi kan inhrilh chuan Smartphone hmangin pawisa kan in pe fel vek thei a ni. Dawrah chuan UPI ID hi an tar loh pawn, UPI ID hi QR code in an tar mai thin. QR code hi  smartphone kan Bank app emaw, App dang hmang in kan va scan ang a, an UPI ID kha kan la mai dawn a, pawisa pek tur zat leh remarks(Invoice no /thil lei hming) kan chhu lut ang a, pawisa kan pe mai thei tawh ang.

Google pay kan hman lar tak ah pawh hian bank hrang hrang kan hmang thei a, SBI a nih chuan username@oksbi tiin UPI ID a dah thin. Username hi phone number te, hming te, number te pawh a ni thei. Heihi chu i ID tur i siam dawnah i duh kha i pe thei a, midangin i duh dan ang kha an lo hmang tawh a nih chuan a dang i pek a ngai ang. Eg:
hminga@oksbi
1234567890@okpnb
hminga42@okicici

Bank tin hian UPI payment system hi an hmang deuh vek tawh a, Bank app ah siam theih a ni a, a nih loh pawhin app dang Google pay, PhonePe, PayTm leh BHIM te hi app an hman lar deuh te a ni awm e.

Pawisa hi a tam berah nuai khat bawr ni khatah a thawn theih a, Bank i hmang a zirin ni khata payment i tih theih zat a inang lo ang.

Internet (data) hmang a nih avangin, telephone signal thalo leh muang lutuk ah chuan a hlawhtlinglo thei a, midang signal nei tha te smartphone atanga hotspot (Wifi) han hman hawh zawk pawh thil pawi a ni lo ang.

Smart Electronics, Zarkawt
Ph- 7005624388