Posted on

Vawiin aṭangin TT tourney

Vawiin aṭangin TT tourney

Mizoram Table Tennis Association buatsaih MTTA Season Opening Table Tennis Championship, 2017 chu vawiin chun dar 12:00 aṭangin Mizoram Table Tennis Hall, Mission Vengah khelh ṭan a ni dawn.

Inelna hi category 14-ah ṭhen a ni dawn a, Mizoram hmun hrang hrang aṭangin MTTA hnuaia affiliated district an tel vek dawn – affiliated district/club 20 an inlan dawn a ni.

Tun ṭumah hian MTTA ruahman angin kalphung thar hman a ni dawn. Tournament kalphung tharah hian cadet category aṭanga senior category (men’s/women’s category) ah te chauh inelna neih ṭhin tawh tur a ruahman a ni.

– See more at: http://www.vanglaini.org/infiamna/70862#sthash.BueUBbo4.dpuf

Facebook Comments
Posted on

Bollywood-in Aizawl FC film siam tum

Bollywood-in Aizawl FC film siam tum

Relegate-a puan an nih aṭanga I-League champion-a rawn tho chhuak thei, Aizawl FC chanchin chu Bollywood lamin an ngaihven a, Bollywood-a producer ten Aizawl FC chanchin film-a siam chungchangah Aizawl FC hotute an dawr.

Football khawvela Mizote hlawhtlinna Aizawl FC hmanga lo lang chhuak chuan Bollywood film siamtute beng a verh a, an ngaihven viau. Aizawl FC hotute chuan Bollywood producer lian tak tak pathumin an rawn biak thu an sawi a, tu emaw ber hi thlan chhuah tur a ni dawn a, tu ber nge ni ang tih chungchangah club hotuten thutlukna an la siam fel lo.

India ram chanchinbu lianten I-League-a Aizawl FC Champion chu ‘Fairytale’ tiin an sawi nasa a, beisei loh an champion a ni ber mai. Hetianga hlawhtlinna an rawn chan chhoh hian film siamtute beng a thleng satliah a ni lo a, Mary Kom chanchin a hlawhtlin theih chuan Aizawl FC chanchin pawh hi a hlawhtlin ngei ringin Aizawl FC hotute hi an bia a ni. He thu hian India rama chanchinbu liante pawh a nghawr hle.

– See more at: http://www.vanglaini.org/thalai/70871#sthash.JBBbJuWF.dpuf

Facebook Comments
Posted on

Sorkar dan hman mek zinga 24 chu Siamṭhat turin chhawp chhuak

Sorkar dan hman mek zinga 24 chu Siamṭhat turin chhawp chhuak

Mizoram State Law Commission chu nimin khan an chairman John Siamkunga, MLA hoin a pisaah an ṭhukhawm a; Mizoram sorkarin dan a hman mek zingah nuaibo ngai eng emaw zat leh siamṭhat ngai 24 a awm thu tarlan a ni.

Meeting-ah hian Mizoramin kum 1972-a Assembly a neih aṭanga dan siam hrang hrangte en a ni a; dan eng emaw zat chu a changtu department hnenah nuaibo (repeal) turin rawtna siam a ni. Dan 24 chu siamṭhat ngai a awma an hriat avangin, a changtu department-te hma la turin an hriattir dawn bawk.

Meeting-a tarlan danin, Law Commission hian affidavit hman khawloh chungchangah hma a la a, affidavit hman khawloh vanga ram leilung fate dikna leh chanvo chhuhsak a nih theih dan te, nakin zelah ram leilung fate tana thil ṭha lo zawk thleng thei a nih avangin affidavit hmanga saphunte pawh a theih loh dante mipuite an hriattir bakah, department hrang hrangte tan circular a chhuah tawh a ni.

Mizoram Law Commission hi April 21, 2009-ah hawn a ni a, hna a thawk nghal a ni.

John Siamkunga chuan, Law Commission member-te inpekna leh phûr taka Mizoram tana an thiamna leh finna an hmang ṭhin chu lawmawm a tih thu a sawi a, “Hei vang hian Law Commission pawhin hna ṭha takin a thawk ṭhin a ni,” a ti.

– See more at: http://www.vanglaini.org/tualchhung/70889#sthash.YachCRN8.dpuf

Facebook Comments
Posted on

Salvation IET Centenary lawmna a ṭiak

Salvation IET Centenary lawmna a ṭiak

Salvation Army India Eastern Territory (IET)-in an kum 100 tlin, April 25, 2017 aṭanga R Dengṭhuama Indoor Stadium-a an lawm ṭan chu ni tin chhunzawmin, nimin pawh khan uar takin an lawm chhunzawm a, nizan khan a ṭiak. Centenary lawmna hi Governor, Chief Minister leh Mizoram sorkara hotu dangte’n an hmanpui a ni.

Salvation Army IET centenary lawmna hi April 26 khan Governor Lt.Gen. Nirbhay Sharma chuan hmanpuiin, thu a sawi a; April 29 zan leh nimin chawhma khan chief minister Lal Thanhawla’n a hmanpui.

Nimin chawhma inkhawmah thu sawiin Chief Minister chuan, Salvation Army rawngbawlna chu a naupan lai aṭanga a hriat tawh leh ṭha a tih em em ṭhin a nih thu a sawi a, “Hriselna tichhetu ruih theih thil do tlattu Chhandamna Sipai Pawlte hi sual an dona kawngah an fakawm a, ruihhlo chi hrang hrang laka inthiar fihlim tura an infuih ṭhinna hi a lawmawm hle,” a ti.

Lal Thanhawla chuan, Mizote chu Pathianin a hmangaih a, a thu puang chhuak tura a ruat an ni tih sawiin, “Ring lo mite hual beh tlatna hmuna awm ni siin, Pathianin Mizote hi Chanchinṭha hril turin a zawng chhuak a. Thingbul, lungbul be hnam, mi lu la hnam chu rei lo têah Kristianah an inlet a. Hei hian Pathian duhsakna kan chanzia a tichiang a ni,” a ti a; Mizote chu Pathianin India rama Chanchinṭha hril tura a dah a nih thu a sawi.

Salvation Army IER centenary lawmnaah hian inkhawm apiangin Salvation Army hmunpui, London aṭanga lo kal Gen. Andre Cox-a’n thuchah a sawi ṭhin. Nimin chawhmaa inkhawmah Gen. Andre Cox chuan, sipai huaisen nih a ṭulzia sawiin, thinlungah Isua Krista neih a ṭul thu a sawi a; tuna tih dan phungte chu duh tâwk mai lo a, Thlarau Thianghlima inthuam tlat turin mipuite a fuih.

https://www.vanglaini.org/tualchhung/70555

Facebook Comments
Posted on

Aizawl FC ten Mohun Bagan an hneh 1-0

Vawiin Dt 22/04/2017 tlai dar 2:00-a Aizawl FC leh Mohun Bagan inkhel chu a hmuhnawm hle mai. Ruah sur hnuaiah hun tawp dawn minute 80 bawrah Amnah corner mawi taka a pet chu Zotea’n lo tauh(head) lutin Aizawl FC in chak zawk an ni ta a ni.

Zotea pawh ‘Man of the Match’ ah thlan nghal a ni bawk. Man of the match hian Rs 10,000 an hlawh thin.

Aizawl FC hi champion tur chuan ‘Shillong Lajong’ an hneh a la ngai.

 

Facebook Comments
Posted on

Vanglaini – Aizawl FC tan Bagan dan theih an ni em?

Aizawl FC tan Bagan dan theih an ni em?

Niminah Mohun Bagan-in Aizawl an lo thleng tawh a, I League nomawi inchuhin Aizawl FC nen April 22 hian RG Stadium, Mualpuiah an inhmachhawn dawn.

Aizawl FC hian Mohun Bagan hi goal hnih china an hneh chuan Mizoramah ngei an champion dawn tihna a ni a, goal khata an hneh chuan nomawi chawi turin match hnuhnung bera Shillong Lajong draw a tawk thung.

Mizo club hi Inrinnia an inkhelh hunah an chak lo a nih erawh chuan Mohun Bagan hi pakhatna an ni dawn. An inhnehtawk a nih pawhin Mizo club tan an kutah champion leh champion loh a awm tawh lo a, Mariners-in an match hnuhnung bera Chennai City an hneh chuan Kolkata club an champion zui ang – engtinnge Mizo club hian Mohun Bagan an hneh theih ang? tih hi zawhna awm chu a ni.

https://www.vanglaini.org/infiamna/70119

Facebook Comments
Posted on

Vanglaini – Mizo zirlaite’n hnam lam an thiam theih nan MZP-in hmalak an rel

Mizo zirlaite’n hnam lam an thiam theih nan MZP-in hmalak an rel

Mizo Zirlai Pawl (MZP) chuan nimin khan Champhai Venglai YMA Hall-ah an rorelna sang ber dawttu, Federal Souncil Sitting vawi 47-na an nei a; Mizo zirlaite’n hnam lâm chi hrang hrang an thiam lehzualna tura hmalak an rel.

MZP chuan, hnam nun leh ziaráng inzirtirna lam hawi ram puma zirlaite tan uar lehzuala kalpui a nih theih nan hmalak chhunzawm an rél a; October 27-a Zirlaite Ni-ah zirlaite’n faina pawimawhzia an hriat tharna turin ram pum huapa inzirtirna neih an rel bakah, Mizoram sorkar enkawl college hrang hrangah skill development programme zir tel a nih theih nan sorkara thlen an rel a ni.

Sorkar khawih thil an rel zingah, Mizoramah labour court din a nih theih nana hmalak te, sorkara file a kal chak theihna tura hmalak te, Mizoram hmun kilkhawr thlenga doctor-te’n hna an thawh theihna tura hmalak te, Mizoram sorkar hnuaia hna lakah Mizo ṭawng middle school standard ngai ṭhin chu criteria mumal tak a awm theih nana hmalakte a tel.

https://www.vanglaini.org/tualchhung/70134

Facebook Comments
Posted on

Vanglaini – MHIP gen. hqrs. hruaitu tur thlang

MHIP gen. hqrs. hruaitu tur thlang

Mizo Hmeichhe Insuihkhawm Pawl (MHIP) chuan nimin khan Vanapa Hall-ah General Assembly an hman chhunzawm a; kum 2017-19 chhunga MHIP general headquarters office bearer turte thlangin, president atan Saipuii an thlang.

MHIP gen.hqrs. office bearer atana an thlan dangte chu – vice president-ah Lalthlamuani, general secretary-ah T Lalthangpuii, assistant secretary-ah Lalengkimi, treasurer-ah Hmangaihzuali leh finance secretary-ah Dr Thanpuii Hnamte te an ni. 

https://www.vanglaini.org/tualchhung/70122

Facebook Comments
Posted on

Vanglaini – Champhaiah pisa leh zirna-in dang DC Complex-a motor 5 hâl a ni

Champhaiah pisa leh zirna-in dang DC Complex-a motor 5 hâl a ni

Champhai District Hospital-a doctor leh thawktu dang dah belh phûtin MZP headquarters, Champhai chuan nimin khan Champhaia sorkar pisa leh zirna-in zawng zawng an khâr. Nimin chawhnu khan Keifangtlanga Champhai DC Complex-ah buaina a chhuak a, MZP duty nia hriatte’n DC Complex garage-a motor panga an hâl. 

Champhai aṭanga thu dawn danin, Champhai MZP-te chu an khuaa sorkar pisa leh zirna-in zawng zawng khâr tur hian zing aṭangin sorkar pisa leh zirna-inahte an duty a, duty turin Champhai College leh higher secondary school zirlaite an thawk chhuak.

Champhai DC pisa aṭanga thu dawn danin, MZP duty-te hian nimin chawhnu lam khan lungin Champhai DC pisa an vawm a, pisa darthlalang eng emaw zat a chhia. Lung hmanga pisa an vawm vanga police-te nen an innawr laiin, DC Complex-a garage-a motor-te chu a kâng tih hmuh a ni a; MZP duty-te hal nia an hriat thu, DC pisaa thawkte chuan an sawi.

Garrage leh motor pangate a kâng chhe hneh hle. Motor kângte hi Gypsy pahnih, Bolero car pakhat, Santro car pakhat leh bike pakhat a ni a; sorkar motor pali leh private motor pakhat a ni. DC pisa bus pakhat darthlalang a chhe nual bawk. 

https://www.vanglaini.org/tualchhung/70120

Facebook Comments
Posted on

Mi 133-in ration card pe kîr

Mi 133-in ration card pe kîr

Mizoram sorkar ngenna angin, Food Civil Supply & Consumer Affairs (FCSCA) depart­ment-ah ration card pe kir (surrender) mi 133 an awm tawh. Ration card pe kîrtute hi thil pawimawha an hman turin ration card dang siamsak ṭhin an ni.

Ration card pe kîr tawh tamna ber chu Aizawl East DCSO hnuai­ah niin, mi 67-in an pe kîr tawh a; Mamit DCSO leh Lawngtlai DCSO hnuaiah mi pakhat ve ve chiahin an pe kîr tawh thung.

FCSCA department chuan, February 2015 khan MLA, MLA hlui, MDC, MDC hlui, AMC councillor, gazetted officer, sumdawng hau­sa, contractor/supplier leh ration card hmang loa khawsa theite chu an ration card sorkara thehlut turin a ngen a ni.

https://www.vanglaini.org/tualchhung/69791

Facebook Comments