Menu
Total

User registration leh post siam dan

0 Comment

A hmasa in he zirtirna hi Desktop Computer-a Chrome web browser hmanga siam a ni a, mobile phone atang i en chuan ding lama panel chhuk thla hi post intlar thla hnuaiah a awm thin. Aw le, user registration leh post siam dan lo en i la.

 

User Social Registration:

Website home page ah khan Social accounts login ding lamah i hmu ang. Social account hmanga registration leh login hi thil awlsam tak a ni a, a awlsam em em bawk a ni. Facebook leh Google account nei tawh te chauhin an hmang thei ang.

  • Facebook account hmanga i login dawn chuan Facebook button pawl kha han hmet(click) la, login window pop-up a lo lang ang. I web browser hman mekah khan Facebook account i lo login mek chuan he pop-up window hi a rawn lang zawk chauh ang. Facebook nena connect theihna tura phalna a rawn dil che. I lo accept chuan reilo teah i account hmang chuan i lut nghal ang.
  • Google account hmanga i luh dawn chuan a chunga Google Button sen khi click thung la, pop-up window ah account nen connect theihna tura phalna leh account hman tur thlantur a rawn tarlang ang.
  •            
  • Login hnuah chuan page ding lam chung berah khan mouse i dah chuan profile menu a lo lang ang. ‘Edit My Profile’ list a mi kha select leh la, ‘Biographical Info’ box ah khan i address leh contacts te chiang takin i dah dawn nia. Profile Picture pawh upload la, hriat leh zawn i awlsam lehzual ang. Tichuan, ‘Update Profile’ button kha click leh ang che.
  •     
  •  Tunah chuan i thil post apiangah i hming a lang ang a, i hming link an click hunah i details leh i post tawh zawng zawng kha a rawn lang vek tawh ang. I thu leh thil hralh post emaw zawng zawng kha mi tan zawn awlsam hle tawh ang.

 

Post Thar Siam Dan:

Aizawlbazar.com ah hian awlsam takin thu, thlalak leh video te post theih a ni a, post hi administrator ten an endik hnuah tihchhuah(publish) chauh a ni thin. A tih dan tlangpui lo en ila.

 

  • Menu a chung vei lamah khan ‘+New’ zawna mouse in dah khan Menu/list a lo lang ang a, ‘Post’ kha i click chuan post thar i siam dawn tihna a ni a, Media i select chuan thlalak leh video i dah(upload) dawn tihna a ni. Post siam dawn chuan Post i click khan Edit Post page a lo lang ang. A tir berah Post title(hming/thupui) chhut luh a ngai a, a hnuaiah a kimchang(main content) tur kan chhut/dah a ngai ta a ni. Post Title hnuai chiaha ‘Add Media’ button khi chu thlalak leh multimedia ho server lama dahna(upload) na a ni a, kalsan rih ila.
  •       
  • Thu chhu lut turin text box lian tak kha han click la, thu i chhut nghal thei mai ang. Thupui emaw topic emaw i tih danglam duh chuan i thu tih danglam duh kha han select la, a chunga icon hmang khian i ti danglam thei ang. Thlalak(picture) main content ah kan dah dawn chuan i computer a thlalak kha pawh luh(drag) luh mai theih a ni a, mahse library ah a lut phawt thin. Library ah upload a zawh hnuin a in select sa ang a, Insert button kha click leh ang a, Main Content box ah a lo lang tawh mai dawn a ni. Catagories i dah duhna tak kha select la, a inhmeh ber ho i select ang he.
  • Chu mi zawhah a hnuaia Tags(thu mal a title baka pawimawh zawn awl nan hman) pahnihkhat i dah dawn nia. Engkim kan ti zawh fel hnuah chauh ‘Publish/Submit’ button kan click dawn nia. Website thuneituten an rawn approve hunah website ah a lo lang nghal ang, Social media lamah pawh a link thawn nghal a ni ang.
  •         
  • Post ah hian Youtube Video leh website dang link te pawh awlsam takin a dah theih a ni. A dang hriat thiam loh in neih chuan post comment ah hian in rawn tarlang ang a, rawn chhan zel kan tum dawn nia. He zirtirna tlawm tak hi i lo chhiar avangin kan lawm e.
 

Leave a Reply