Posted on

Sorkar mitmei veng miah loa MLPC Act Zir chiang tur din a ni – Excise Minister

Sorkar mitmei veng miah loa MLPC Act Zir chiang tur din a ni – Excise Minister

Excise & Narcotics minister R Lalzirliana chuan, zu zawrh (MLPC Act) a ṭhat leh ṭhat loh chungchang sorkar mitmei veng miah loa zir chiang tur committee din a nih thu House a hrilh.

MPC member Lalthanliana zawhna kal zelah R Lalzirliana chuan, zu zawrh ṭhat leh ṭhat loh zir chiang turin Excise Minister kaihhruaina hnuaiah committee din a nih thu a sawi a, “Committee-in a zir chian hnuah a zir chiang lehzual tur committee din a ni. Ram tana thil ṭha ti tur an nih angin sorkar mitmei veng miah loa an duh dan dana zir chiang tura tih an ni,” a ti.

Excise Minister tarlan danin, Committee-ah hian Dominic Lalhmangaiha covener a ni a, mi dangte chu – Salvation Army-a Lt.Col. Lalramhluna, Laldinliana Varte (MZU), Dr Lalbiakzuala (Surgeon), Dr Lalhrekima, Lalbiakzuala (CYMA) leh Vanlalrema Vantawl (MJA) te an ni. An report chu December thla vela thehlut hman tura beisei a ni.

MLPC Act chu hlih a ni emaw, ni lo emaw, sorkar tan tlâwm thlak thil a awm loh thu sawiin R Lalzirliana chuan, he dan hman a nih dawn ṭum pawhin Chief Minister-in, ‘A ṭhat loh chuan sorkarin a titawp leh mai ang,’ a tih thu a sawi a, “Ngaihtuahna thui tak hman a ngai a ni,” a ti.

https://www.vanglaini.org/tualchhung/68902

Facebook Comments
Leave a Reply