Zaninah Tip Off neih a ni dawn Basketball inelna lian MSL3 a hnai

Zaninah Tip Off neih a ni dawn Basketball inelna lian MSL3 a hnai

Mizoram chhunga basketball inelna lian ber Mizoram Super League Season 3 chu March 21, Thawhlehni zan aṭangin Hawla Indoor Stadium-ah khelh ṭan a ni dawn. Zanin hian Lal Thanhawla Auditorium-ah MSL3 khuh hawnna ‘Tip Off’ neih a ni ang.

Tip Off chu

MSL3 khuh hawnna hi zanin dar 8:00-ah neih a ni dawn a, he hunah hian oath taking, MSL3 handbook release leh jersey pholanna neih a ni ang.

MBBA hian 2017-18 chhung atana hruaitu thar thlanna an nei tawh a, president thar chu Malsawmtluanga, Zarkawt a ni. Tun ṭumah hian president kal chhuak tur Chalrosanga Ralte, MLA chuan MSL3 handbook hi a tlangzarh ang.

Inelna Kalphung

Team paruk inelna MSL hi hlawm hniha ṭhen theih a ni a, league round leh knockout round-ah dah hran theih a ni. League round-ah hian club-te chu vawi khat ṭheuh an inkhel kual ang. Match tinah hian a chak zawk apiangin point hnih (2) an hmu ang a, a chak loin point khat (1) an hmu ang.

League round-a a sang paliin semifinal an khel ang a, a hniam pahnihin relegation playoff an khel thung ang. Knockout round hi best of three a khelh tur a ni a, May 4 aṭanga khelh ṭan tur a ni.

https://www.vanglaini.org/infiamna/68588

Facebook Comments

Add a Comment