MSL3-ah Chanmari Hollow

MSL3-ah Chanmari Hollow

Mizoram chhunga football inelna sang ber Mizoram Premier League Season 5-ah Chanmari FC an champion a, Chanmari veng hian tualchhung basektball inelna sang ber Mizoram Super League Season 3 lamah pawh team an nei dawn – an club hming chu Chanmari Hollow a ni.

MSL3 hi March 21 khian Hawla Indoor Stadium, Republic Vengthlangah khelh ṭan a ni dawn. Season tharah hian Chaltlang Ryders aiah Chanmari Hollow an inlan ang. MSL-ah hian club paruk an awm a, season hmasa berah relegate an awm lo. Season hnihnaah erawh table hnuaia awm pahnih Zarkawt BCA leh Chaltlang Ryders ten relegation playoff an khel a, Ryders an chak lo – an relegate.

Hollow hian MSL khel tur hian nikum February thla khan Division I final-ah VR4 chu best of three series-ah 2-1 in an hneh a, hetih lai hian Chanmari hming vuah an la ni lo. Kumin kumtir khan Hollow hian Chanmari Local Council nen an thawh ho tur thu hi MSL Board hnehah an thlen tawh a, pawmsak an ni tawh bawk.

Hollow coach Samuel Lalthlamuana hi Chanmari chhul chhuak dik tak a ni a, hei vang hian Chanmari leh Hollow an inthlunzawm hi a mak lo. Sports and Youth Services coach Samuel-a hnuaiah Chanmari hian kum 2005 leh 2006 khan veng inelnaah a zawnin vawi li – CYMA Basketball leh VC Tournament vawi  hnih ve ve an champion tawh a, hetih hian El-a pawh player a ni.

– See more at: http://www.vanglaini.org/infiamna/66842#sthash.tsJjKnhQ.dpuf

Facebook Comments

Add a Comment