Posted on

Fire Prevention Week hawn a ni Kângmei ven hi mi tin mawhphurhna – CM

Fire Prevention Week hawn a ni Kângmei ven hi mi tin mawhphurhna – CM

Fire Prevention Week, 2017 chu nimin khan Mizoram hmun hrang hrangah hman ṭan a ni a, chief minister Lal Thanhawla’n Aizawla Lal Thanhawla Auditorium-ah a hawng. Chief Minister chuan, kângmei veng turin mi tinin mawhphurhna an neih thu a sawi.

Week hawn inkhawm hi chief secretary Lalmalsawma’n a kaihruai a; CM Hawla chuan, “Ṭhál chhung thla thum/li chiah a awm chung hian kângmei vanga thil chhia leh ṭha lo thleng a tam ṭhin hle. Mizoram hi India ramah mei tikâng nasa ber kan ni a, ram kâng nasa lutuk hi ram leilungin a tuar a, kan ram kan tichhe mek a ni,” a ti.

Lal Thanhawla chuan, ram kâng tihtlem theih dan tur ngaihtuah a ṭul thu sawiin, “Kan phâk chin chinah ram kâng véng tur hian mimal ang pawhin hmalak theih a ni,” a ti a; kângmei chhuak ṭhin chu ngaih pawimawh a nih loh chuan Mizoram tihchhiat zel a nih tur thu a sawi.

– See more at: http://www.vanglaini.org/tualchhung/66865#sthash.ANraFlMB.dpuf

Facebook Comments
Leave a Reply