MG Road-ah lirthei tlân phal a ni lo

MG Road-ah lirthei tlân phal a ni lo

Traffic SP C Lalthanmawia chuan thupek chhuahin, Aizawla MG Road chu Bible House kawtah a khîk zauh belh zel avangin he kawngpuiah hian vawiin aṭangin lirthei reng reng tlân phal a ni tawh dawn rih lo tih a puang.

Traffic SP thuchhuah tarlan danin, Bible House bul kawngpui  khî leh Aizawl Convention Centre sak tum ngaihtuahin Ja­nua­ry 27, 2017 khan Chief Sec­re­­tary hoin Highpowered Com­­­mit­tee an ṭhukhawm a; lirthei tlan phal loh turin thutlukna an siam a ni.

He thupek hian MG Road (Upper Khatla) kawngpui khîk vanga sorkar notification lo awm tawhte a luahlân nghal a, vawiin aṭangin thu leh awm hma chu hman a ni ang.

Thupek hian chhiatrupna thil, kângmei leh rîkrum thil kaihhnawiha duty leh dan leh thupek pawimawh bika duty-te chêtvelna a huam lo ang.

Lirthei tlan dan tur

•Aizawl hmar lam aṭanga chhim lam pan tur city bus leh 407 truck chin chung lam chu  Treasury Square aṭangin Upper Republic lama tlân tur.

•Chhim lam pan tur LMV chin hnuai lam chu Treasury Square aṭangin Tuikhuahtlang lamah tlan tur a ni.

•Sikulpuikawn aṭanga Tuikhuahtlang lam pante chu Govt. Aizawl College sira Upper Republic kawngpui chung aṭangin tlan tur a ni.

•Sikulpuikawn lam aṭanga hmar lam pan tur lirthei, two wheeler tih loh zawng chu Khatla kâwn  lamah tlan tur a ni a; Sikulpuikawn aṭangin Upper Republic kawngpuiah two wheeler tih loh lirthei dang tlân phal a ni lo.

– See more at: http://www.vanglaini.org/tualchhung/66521#sthash.bL5F4liy.dpuf

Facebook Comments

Add a Comment