Posted on

Mizoramah Missionary Day lawm a ni

Mizoramah Missionary Day lawm a ni

Nimin kha Mizorama missionary hmasa pahnih – Rev. JH Lorraine (Pu Buanga) leh Rev. FW Savidge (Sap Upa) ten Mizoram leilung an rah ní, Missionary Day a ni a, Baptist Church of Mizoram kohhran hrang hrangte’n an lawm.

Missionary Day-ah hian BCM kohhran hrang hrangte chu chhun leh zanah inkhawmin, Pathian thuchah an ngaithla a; tlaiah Missionary Day lawmna ruai an ṭheh hlawm a ni.

Presbyterian Kohhran chuan Missionary Day hi a hranpain hmang tawh lo mah se, nimin zing khan Dawrpui Pastor Bial leh BCM kohhrante chuan Pu Buanga leh Sap Upa ten inbenbelna hmasa leh anmahni hriatrengna lungphun awmna, Mac Donald Hill, Zarkawta Missionary Lungphunah hun an hmang.

MacDonald Hill-a inkhawmah hi Dawrpui bial chairman Rev. K Lalrongheta’n a kaihruai a, Rev. Challianngura’n Mizorama missionary pahnihte chanchin a sawi. Dawrpui Bial Zaipawlte an zai bawk.

Sap Upa leh Pu Buanga te hian January 11, 1894-ah Sairang thlanga Changsil kai an thleng a; Feb­ruary 9, 1894-ah MacDonald Hill-ah awm hmun an khuar. Mac Donald Hill-ah hian kum li chhung vel an awm a, an chhuahsan hmain August 31, 1897-ah Rev. DE Jones (Zosaphluia) chuan a fin a ni.

– See more at: http://www.vanglaini.org/tualchhung/65777#sthash.SrxJmaH3.dpuf

Facebook Comments
Leave a Reply