Posted on

Electoral roll thar ber tlangzarh a ni Mizoramah voters 7,39,976 an awm

Electoral roll thar ber tlangzarh a ni Mizoramah voters 7,39,976 an awm

Chief electoral officer (CEO) mawh­phurhna la mektu FJ Liantluanga chuan, nimin khan Aizawl Press Club-ah Mizoram electoral roll 2017 a tlangzarh a; district tinah an district bika electoral roll ṭheuh an tlangzarh bawk. Electoral roll thar berah hian voter 7,39,976 an awm a, mipa 3,62,181 leh hmeichhia 3,77,795 an ni.

FJ Liantluanga chuan, electoral roll thar berah hian Mamit district tih loh district dang zawngah hmeichhia an tam zawk vek tih a sawi a, “January 1, 2017-a kum 18 tling tawh thun hmaihte tan bialtu ERO hnenah Form 6 hmangin thun luh a dil theih reng a, objection pawh a tih theih reng a ni,” a ti.

Zawhna chhangin FJ Liantluanga chuan, electoral roll ennawnnaah hian Tripura-a Bru camp hrang hrangah ennawnna nei turin kal chilh a ni lo tih a sawi a, “Election Commission of India aṭangin min nawr hran lo. An awmna ERO-a dilte chauh kan thun mai,” a ti a; Bru camp bika voter zat pawh a hranpaa sawi theih a ni lo tih a sawi.

Electoral roll tlangzarh tâka a lan danin, Mizoram puma voter awm zat 7,39,976 hi September 15, 2016-a draft electoral roll tlangzarha voter zat 7,22,739 aiin 17,237-in a tam zawk a, a punna percentage chu 2.38% a ni.

– See more at: http://www.vanglaini.org/tualchhung/65485#sthash.POBaE98m.dpuf

Facebook Comments
Leave a Reply