Krismas leh kum thar vuakvêtah Lirthei chetsualna lian a thleng lo Tum dang aiin thubuai ziahluh a tlem

Krismas leh kum thar vuakvêtah Lirthei chetsualna lian a thleng lo Tum dang aiin thubuai ziahluh a tlem

Krismas leh kum thar vuakvet hman zawh takah khan, Aizawl City Traffic Police huam chhungah lirthei chetsualna vanga police-in thubuai ziah luh an nei lo. Hunpui hman zawh takah hian kum dang aiin police-in thubuai siamsak an nei tlem a ni.

Vanglaini palai zawhna chhangin Traffic SP C Lalthanmawia chuan, hunpui hman zawh takah kum dang aiin lirthei chetsualna avanga thubuai ziah luh ngai a thleng lo tih a sawi a, “Police-in thubuai an ziah luh ngai khawpa lirthei chetsualna a awm lo. Hetiang kan thlen theih chhan hi a hmasa berah chuan Pathian vang a ni a, hunpui atana kan inbuatsaihna bakah, mipuite pawhin hma kan sawn a ni thei,” a ti.

C Lalthanmawia chuan, Krismas dawn hnaia No Tolerance Check an buatsaih chu a ṭangkai hle tih sawiin, “No Tolerance Checking hi a tawp hun kan puang duh lo a, lirthei neitu tam tak chu an tawmim phah a ni,” a ti a; No Tolerance Checking-ah hian December 12, 2016 aṭanga January 2, 2017 chhungin lirthei leh a khalhtu dan bawhchhia 1,420 an man a, an pawisa chawi tlingkhawm chu cheng nuai 5.37 a nih thu a sawi.

– See more at: http://www.vanglaini.org/tualchhung/65425#sthash.IlynIcuq.dpuf

Facebook Comments

Add a Comment