Posted on

Miss Mizoram 2017 thlan a ni dawn

Miss Mizoram 2017 thlan a ni dawn

Kum 2014-a Miss Mizoram thlan a nih hnuah nakkum, 2017 khian Miss Mizoram thlan a ni leh dawn a, Zonet Cable TV Pvt. Ltd chuan a buaipui ang.

Miss Mizoram hi Mizoram Journalist Association-in chuan bul a ṭan a, a neitu nihna hi MJA chuan a nei. MJA aiawh hian Lelte Weekly chanchinbu chuan hun rei tak a lo kalpui tawh ṭhin a, Mizo nula tam takten hlawkpui nan an lo hmang tawh a, eizawnna lamah pawh hlawhtlinna bul ṭan nan an lo hmang tawh ṭhin. Kum 2017 hian Miss Mizoram thlan hi MJA hriatpuina leh remtihnain Zonet Cable TV Pvt. Ltd chuan a buatsaih thung dawn.

Miss Mizoram 2017 thlang tur hian Miss India Organisation lam nen pawh inthlunzawma contestant-te tan kawng thui zawk hawn theih dan tur dap mek a ni. Miss Mizoram 2017-ah hian hmun thumah District Audition neih tura ruahman a ni a, hemi bakah hian Aizawl-ah Audition neih a ni bawk ang. Lunglei, Champhai leh Kolasib District ah heng audition hi neih a ni ang a, District Audition hi January 17-ah ṭan a ni ang a, tel tumte tan ni December 21, 2016 (Nilaini) aṭangin form lak chhuah theih a ni ang. Form hi Zonet Office, Aizawl; CCN, Champhai; JB Cable Network, Lung­lei; CZS Cable, Kolasib leh Miss Mizoram Facebook Group aṭangtein lak chhuah theih a ni.

Hriat tur pawimawhte:

Eligibility:

1. Age: 18 – 26 years

2. Height: 5.5 ft

3. Resident of Mizoram

Prizes:

Winner – Rs 1,10,000/- & Tour Package to Bangkok

1st Runner up – Rs 50,000/-

2nd Runner up – Rs 30,000/-

Subtitles – Rs 10,000/- each

– See more at: http://www.vanglaini.org/thalai/65043#sthash.6mx0ZfIq.dpuf

Facebook Comments
Leave a Reply