Posted on

F. Zomuanpuia Krismas hla nen a rawn lang

F. Zomuanpuia Krismas hla nen a rawn lang

‘Min hnem la’ tih hla hlawhtling taka a rawn thlawh hnuah F. Zomuanpuia chu Krismas music video nen a rawn lang leh ta.

Kum 2015 Mizo Idol aṭanga kan hmelhriat tak tak ṭan F. Zomuanpuia hian October thlaa ‘Min hnem la’ tih hla, Ṭhazual chart-a pahnihna lai a thlenpui hnuah Krismas hla a rawn nei leh ta a, hei pawh a ṭha leh hle. A hmaa hla dang a lo tih­chhuah tawh ‘Don’t Let Me Down’ leh ‘Thinlai luahtu’ te pawh kha Ṭhazual chart-ah a hlawhtling hle a nih kha. A zaithiam a, a music video a ṭha a, tuna a Krismas hla pawh hi beisei a sang.

F. Zomuanpuia Krismas music video hi ‘Krismas chibai’ tih a ni a, CFA Chhangte phuah a ni. Video hi RP Peter Production kutchhuak a ni a, Melody Recording Studio, Lungleiah a record. F. Zomuanpuia hi Zo rimawi khawvelah a hlawhtling mek a, kar kaltaa Vulmawi Award 2016 semah pawh khan Best New Artist a dawng a nih kha. Tuna a hla thar pawh hi ngaihthlak a chakawm tawh hle.

– See more at: http://www.vanglaini.org/thalai/64524#sthash.qYBH3DMy.dpuf

Facebook Comments
Leave a Reply