VANGLAINI – KHAWTHLIR

Zofest

Mizo Zirlai Pawl (MZP) huaihawtin vawiin aṭangin Zokhawtharah Zofest 2016 hman a ni dawn a, December 8-ah a tawp ang. Zofest-ah hian Mizoram chhung bakah, Manipur, Tripura, Assam, Meghalaya, Arunachal Pradesh, Bangladesh leh Myanmar aṭangin Zo hnahthlak hnam péng hrang hrangte an tel dawn a; thupui chu ‘Unau kan ni’ tih a ni.

Mi vittu dem

Armed Veng Local Council leh NGO hrang hrangte chuan thuchhuah inṭâwm siamin, an veng tlangval pahnih, an veng chhung ngeia Lalremruata, Zuangtui-in November 30, 2016 zana a vit chu an dem thu an tarlang a, “Mizoram polic-te’n pawi khawihtu rang taka an man hi kan lawm a, roreltute pawhin a phû tawk hremna pe ngei se kan duh,” an ti. Buaina punlun lo tura khawtlang hruaitute ngenna an ngaih pawimawh avangin an veng ṭhalaite chungah lawmthu an sawi bawk.

Bank-ah duty

Champhai District Legal Services Authority leh SBI, Champhai Branch ṭangkawp bultumin bank dawr tur mipui tana awlsam zawkna atan leh bank dawr tur, harsatna neite ṭanpui turin December 2, 2016 aṭang khan Champhai DLSA hnuaia Para Legal Volunteer-te chu bank-ah an duty a; puih ngaite an lo ṭanpui ṭhin.

– See more at: http://www.vanglaini.org/tualchhung/64458#sthash.cbfh4Tnp.dpuf

Facebook Comments

Add a Comment