Posted on

Electric KṬP rinna a la chak zel

Electric KṬP rinna a la chak zel

‘Ka ring zel ang che’ tih hla an la hlawhtlinpui zel a, an ring zel a, an rinna a la chak zel. Hontrade International Ṭhazual Faknaah Electric Veng Branch KṬP (Matthaia Group) te sak ‘Ka ring zel ang che’ tih chuan pakhatna a luah leh.

‘Ka ring zel ang che’ tih hla hi a nalh a, an sa thiam bawk a, Electric Veng Branch KṬP (Matthaia Group) te chuan a vawi hnih nan pakhatna an luahpui leh. He hla hi a nalh mai bakah Mizo Idol aṭanga kan hriat, hlawhtling zui ta, Freddy chuan a ho a, amah a zaithiam mai bakah a zaipui nulate an zaithiam bawk a, a hla a nalh bawk nen, pakhatna vawi hnih lai a luah ta hi a mak hran lo.

He hla hi Electric Veng Branch KṬP ten Literature Night an buatsaiha music video insiamsakah pakhatna a ni a, Ṭhazual chart-ah pawh pakhatna a luah ta. He hlaah hian Freddy Lalremruata Sailo bakah, Vanlalnunpuii Hrahsel, Lalrinawmi Sailo leh Saidingpuii Sailo te an zai. He hla hi Sap hla aṭanga Mizo ṭawnga lehlin a ni a, letlingtu hi R. Zothanliana a ni.

Andrew Laltlankima hla ‘Nunna Thar’ a vawi li nan pahnihnaah a awm leh. He hla hi pakhatna vawi hnih a luah tawh a, pakhatna a luah hma hian pahnihnaah vawi hnih a lo ṭhu tawh a, pakhatna aṭanga nekchhuah a nih hnuah tun hi pahnihnaah vawi hnih a awmna a ni. Pathumnaah Lalremsiami hla ‘Ka vui lo Lalpa’ chu a rawn ṭhu chhuak, a hmain parukna a ni. Vanlalpari hla ‘Hei hi khawngaihna mak’ tih chu palinaah bawk a awm a, pathumna aṭangin Thelma hla ‘Isu i hnena awm ka duh’ tih chu panganaah a chhuk thla.

Top 10-ah hian Mawitei ft. Open Strings chu a rawn lang thar a, Stacy VL Muanpuii hla ‘Hnehna hla mawi’ chu top 10 aṭangin a chhuak ta thung.

Hontrade International Ṭhazual Fakna

1. Electric Veng Branch KṬP (Matthaia Group) –

Ka ring zel ang che

2. Andrew Laltlankima –

Nunna Thar

3. Lalremsiami –

Ka vui lo Lalpa

4. Vanlalpari –

Hei hi khawngaihna mak

5. Thelma –

Isu, i hnena awm ka duh

6. Ark of Melody –

Ka damna i ni

7. Bethsy Lalrinsangi –

Mi felte chauh thlang lova

8. Lalhlumawii –

Ka dai ngai loh ram nuam

9. Sawmtea –

Immanuela

10. Mawitei ft. Open Strings –

A vul zel

– See more at: http://www.vanglaini.org/thalai/64490#sthash.Foiwu0o9.dpuf

Facebook Comments
Leave a Reply