High Court Judge thar Nelson Sailo

High Court Judge thar Nelson Sailo

Nelson Sailo chu nimin khan Gauhati High Court Judge atan lak luh a ni a; Assam Governor-in thuneihna a pek angin Gauhati High Court Chief Justice Ajit Singh-in rinawmna thu tiamtirin a la lut.

Mizo zinga High Court judge pathumna, Nelson Sailo hi October 9, 1968-ah a piang a, St.Anthony’s College, Shillong aṭanga B.A a zawh hnuah Shillong College aṭangin Law degree a zo. Kum 1996-ah Bar Council of Assam, Nagaland, Meghalaya, Tripura, Manipur, Aru­nachal Pradesh leh Mizoramah advocate turin a inziak lut a; Gau­hati HC Principal Seat-ah a thawk ṭan nghal.

April 1998-ah Mizoramah Assistant Advocate General a ni a, May 1998-ah Gauhati HC, Aizawl Bench-ah sorkar ukil atan ruat a ni. September 2003-ah public prosecutor a ni a, Febuary 2007-ah Addl. Advocate General niin, September 6, 2010-ah Gauhati HC-in senior advocate-ah a dah.

India President chuan November 9, 2016 khan Gauhati High Court judge ni turin a ruat a ni. hmaah rinawmna thutiamin Gauhati HC Judge atan lakluh a ni ta a ni.

– See more at: http://www.vanglaini.org/tualchhung/63581#sthash.LiCW0h5G.dpuf

Facebook Comments

Add a Comment