Posted on

RG Stadium-ah goal 21 a lut

RG Stadium-ah goal 21 a lut

Flying Christabel Mizoram Premier League Under 18-ah Chhinga Veng leh Chanmari West ten goal an surtir a, club pahnih goal khung zat hi goal 17 teh meuh a ni.

Nimina RG Stadium-a inkhelah Chhinga Vengin Dinthar FC 7-1 in an sawp a, league hmahruaitu an ni chiang tawh. Chanmari West FC-in Zo United 10-0 in an sawp a, West Warrior hian semifinal ticket neiin Zo United erawhin beisei tur an nei tawh lo.

Inkhel dangah Chanmari FC-in Ramhlun North FC 2-0 in an hneh a, MPL kaithar hian beisei tur an nei tawh lo. Bethlehem Vengthlang FC-in semifinal beseina nung nei turin Aizawl FC 1-0 in an hneh bawk. Nimin hian RG Stadium-ah goal 21 a lut a, Lammuala khelh Round 5-ah khan goal 21 a lut tawh bawk MPL5 U18 match 24 khelh tawhah goal 90 a lut tawh a, match tina goal 3.75 lut ang a ni.

BVT hian an match hnuhnung bera Zo United an hneh hrim hrim chuan semifinal an lut dawn a, Aizawl FC erawh Chanmari FC an hneh loh chuan tla thei an ni. MPL Under 17 hming a put laia vawi hnih champion tawh Chanmari FC hian point kua an hmu tawh a, Aizawl FC (12 Pts) an hneh theih chuan point hmuh zat inangah head to head a an ṭhat zawk dawn avangin semifinal an lut ang.

– See more at: http://www.vanglaini.org/infiamna/63221#sthash.s7moWQmc.dpuf

Facebook Comments
Leave a Reply