Posted on

Vanglaini Khawthlir

Vanglaini Khawthlir

YMA rorel inkhawm

YMA General Conference neih loh kuma neih ṭhin tur, YMA Rorel Inkhawm hmasa ber chu vawiin chawhma dar 10:30 hian R dengṭhuama Indoor Stadium, Mualpuiah ṭan a ni dawn a, zan thleng hun hman a ni ang. YMA Rorel Inkhawmah hian palai ruat bikte an tel dawn a, chhunah rorel inkhawm neih a ni ang a, zanah variety programme hman a ni ang.

Thisen pe

Central Higher Secondary School NSS unit chuan nimin khan an sikulah blood donation camp an huaihawt a, zirlai mipa 21 leh hmeichhia 17-te’n Aizawl Civil Hospital tan thisen unit 38 an pe.

Mi 1,199 admit

September 2016 chhung khan Aizawl Civil Hospital-ah mi 36,880 an inentir a, mi 1,199 admit an ni. Damdawi-inah nau 389 an pian laiin, 63 an thi. Mi 1,647 zai an ni a, x-ray hmanga mi 2,251, laboratory-a en 65,639, Mizoram páwna thawn mi 157 an awm bawk.

Thálfavâng Kût

Nimin khan Tourism minister John Rotluang­liana hoin a pisaah Ṭhálfavâng Kût Organising Committee an ṭhu a, kumina Ṭhálfavâng Kût hman dan tur an rél. Ṭhálfavâng Kût hi December 15-16, 2016 chhungin Tuirial Airfield-a hman an rel a ni.

Pûk Dangdai

Romuanpuii Zadeng lehkhabu ziah, ‘Pûk Dangdai’ tih chu nimin khan MZP pisaah MZP Chanchinbu editor Lalvansanga Pautu-in a tlangzarh.

Facebook Comments
Leave a Reply