Posted on

Ṭhazualah Stacy-i bawkin pakhatna a la luah leh

Ṭhazualah Stacy-i bawkin pakhatna a la luah leh
Hnehna hla mawi’ hmangin Stacy VL Muanpuii chu Hontrade International Ṭhazual Faknaah pakhatna a rawn luah leh a, vawi hnih a zawnin pakhatna a luahna a ni.

He hla a tihchhuah tirha Stacy-i’n a rin lawk angin ‘Hnehna hla mawi’ hi ṭhalaiten an duh. Stacy hian a hla a ṭha a, a thluk a tunlai bawk avangin ṭhalaiten he hla hi an duh a ring a, a rin ang chiahin tunlai fakna hlaa ṭhalaite duh a ni a, pakhatna a zawna vawi hnih a luah pawh hi a mak lo e.

Ṭhazual chart siam hnuah Stacy-i hian ‘Tunge’ tih te, ‘Khawngaihna thing kraws’ hla leh tuna mi hmang hian pakhatna a luah ta. ‘Tunge’ hla kha Mission Branch KṬP ten Faklam intihsiak an buatsaihah Bawngkawn KṬP ten an lâmpui a, an hlawhtlinpui hle. He mite vêk hi tuna ‘Hnehna hla mawi’-ah pawh hian an lâm kan hmu leh bawk a, a music video a tihmuhnawm zual hle.

Nunna Thar movie an release a, he movie soundtrack phuahtu Andrew-a’n ‘Nunna Thar’ hla a sak pawh a rawn thleng sang zel a, pathumna aṭangin pahnihnaah a rawn chho ta. PBK Liankhuma hla ‘Ka chung ram mawiah’ tih chu palina aṭangin pathumnaah a kaisang. One in Christ-in pakhatna an nihpui ‘Min chhung khat leh ṭhin’ tih chu pahnihna aṭangin palinaah a chhuk a, panganaah bawk Cindy Lalramhlimawmi a awm.

Tun ṭumah hian top 10-a lang thar leh chhuahsan ta an awm lo a, a hmasaa mite vek an la awm. Parukna aṭanga 10-nate hi an awm ngaiah vek an la awm bawk.

Hontrade International Ṭhazual Fakna

1 Stacy VL Muanpuii – Hnehna Hla mawi

2 Andrew Laltlankima – Nunna Thar

3 PBK Liankhuma – Ka chung ram mawiah

4 One in Christ – Min chhung khat leh ṭhin

5 Cindy Lalramhlimawmi – Aw Thlarau Thianghlim

6 Thelma – Isu I hnena awm ka duh

7 Electric Veng Branch KTP (Matthaia Grp) – Ka ring zel ang che

8 Lalchhanhimi Palian- Ka vui lo’ng e

9 David Vanlalpeka – Immanuela

10 Fall Profane – A phar reng si

Facebook Comments
Leave a Reply