Aizawlah ASI Circle hqrs. din dawn

Aizawlah ASI Circle hqrs. din dawn

Aizawlah Mizoram, Manipur leh Tripura tana Archaeological Survey of India (ASI) Circle thar hawn thuai a ni dawn tih INTACH, Mizoram Chapter chuan an tarlang.

Aizawlah ASI Circle thar hawn a nih theih nan hian INTACH Mizoram Chapter chuan kum 2015 khan an lo thlen tawh a; Guwahati Circle chu a zauh avangin ṭhendarh a, Mizoram, Manipur leh Tripura tana Circle thar siam a, headquarters atan Aizawl hmang turin an dil a ni. Chu dilna chu January 2016 khan sorkar laipuia Ministry of Culture-in a pawmpui tawh.

INTACH Mizoram Chapter hruaitute chuan, Aizawla ASI Circle office atana building hranpa an neih hmaa in luah tur a remchan theih mai loh avangin Circle office an la ṭan thei mai lo niin an sawi a; mahse, chung harsatnate chu chingfelin, a thawk tur ṭhenkhatte pawh ruat tawh a ni tih sawi­in, “Office tur hi hawn thuai beisei a ni,” an ti.

Aizawla ASI Circle headquarters din tur leh Mizorama pipute sulhnu humhalh chungchangah INTACH Mizoram Chap­ter convener P Ro­hming­thanga chuan ASI hotute hmuin New Delhi-ah a chám mek a; INTACH Mizoram Chapter rawtna, Farkawn, Dungtlang, Lianpui leh Lungphunlian khuaa pipute sûhnû hlu tak takte humhalh tura ASI Director General hnenah rawtna an lo thlen tawh chu tihpuitling a nih theih nan notification chhuah turin sorkar laipuia thu­neitute a ngen a ni.

– See more at: http://www.vanglaini.org/tualchhung/61283#sthash.btpfgmch.dpuf

Facebook Comments

Add a Comment