Fai lawmman dawng turin sikul 31 thlang

Fai lawmman dawng turin sikul 31 thlang

State Level Committee chuan sorkar laipuia Department of School Education & Literacy buatsaih, School Sanitation Awards, Swachh Vidyalaya Puraskar 2016 state level award dawng turin nimin khan Mizorama sikul 31 an thlang chhuak.

State Level Committee hi nimin khan an chair­man R Zarzosanga, special secretary kaihhruaiin School Education directorate conference hall-ah an ṭhukhawm a; Mizoram district hrang hrang aṭanga Swachh Vidyalaya Puraskar 2016 dawng tura rawtnate an thlir a, award la turin category pali atan sikul 31 an thlang.

State award dawng tur hian sikul 40 thlan tur a nih laiin, secondary school-ah urban leh rural category-ah high school-te’n minimum ranking an phak loh avangin sikul 31 chiah thlan a ni.

Award dawng tura thlan sikul 31-te hi national award dawng turin Committee chuan sorkar laipuia thawn turin a rél nghal a; award dawng tura thlan sikulte hi remchang hmasa berah award hlan turin an rél bawk.

– See more at: http://www.vanglaini.org/tualchhung/61226#sthash.6aHAVX1b.dpuf

Facebook Comments

Add a Comment