Posted on

ANTHURIUM FESTIVAL 2016 HMAN DAN TUR THLIR

ANTHURIUM FESTIVAL 2016 HMAN DAN TUR THLIR

Anthurium Festival 2016 atan inbuatsaihna peihfel thawkhat a ni tawh a. Sorkar department hrang hrang bakah tlawmngai pawl, he festival-a mawhphurhna pawimawh chelhtute hmalak dan thlirhona hnuhnung chu vawiin khan Tourism Minister Pu John Rotluangliana hovin a pisaah neih a ni.

Anthurium Festival Organising Committee chuan Tourism Secretary kaihhruaina hnuaia Anthurium Festival 2016 hman dan tur programme kimchang duang tura a din Working Committee thurel te pawmin September ni 22 atanga September ni 24, 2016 chhung hian Reiekah Festival hlimawm tak neih a ni dawn a. Zaithiam zai ngaihthlak tur te; hnam lam leh tunlai lam chi hrang hrang thlir tur te a awm dawn bakah ei leh in tur tuihnai tak tak awmna food stall te; Mizo puan leh Mizo kutchhuak thilsiam zawrhna te; adventure sports kaihhnawih – ziplining, sky skateboarding, low rope course, wall climbing, tree house leh puan in hawh tur thlengin a awm dawn a. Mizoram Rifle Association buatsaihin silai inkahsiak pawh huaihawt tum a ni bawk.

Tourism Minister Pu John Rotluangliana’n September 22, chhun dar 12 ah Anthurium Festival hi a hawng ang a. Ni thum chhung hian programme hi chhun dar 12 ah zel neih tan tum a ni.

Vawiin committee ah hian Parliamentary Secretary Pu TT Zothansanga, Secretary Tourism Pu V. Lalremthanga IAS, Tourism Department officers, Police, PHE, PWD, P & E, KVIC, Horticulture, H & FW, Excise & Narcotics, I &PR, DDK, MCO, MJA, Zo Anthurium Growers’ Society te an tel a ni.

Facebook Comments
Leave a Reply