Posted on

ANTHURIUM FLOWER DISPLAY AND TRAINING HMANG

ANTHURIUM FLOWER DISPLAY AND TRAINING HMANG

Zo Anthurium Grower Society chuan vawiin atang khan Millenium Atrium hmunah Anthurium flower display and training programme an hmang.

Hawnna inkhawm hi Pi H.Lalchhuanawmi, President ZAGS in a khaihruai a, Report tawi Lalmalsawma, Asst.Secretary in a neih hnu ah Horticulture department atangin Pi M.Vanlalzami HDO chuan thusawina hun a nei a, Pu Manthianga, Deputy Director of Horticualture chuan he Anthurium flower display ang training programme hi a hawng.

Zo Anthurium growers society hi kum 2002 khan Horticulture deparment puihnain din a ni a. He Society in a thiltum ber chu anthurium par tam thei ang ber thar chhuah a, state pawn leh ramdanga anthurium par thawnchhuah hi a ni. Hemi tihlawhtling tur hian member te hian theihtawp an chhuah thin a ni.

Anthurium pangpar te hi mipui hmuha pholan a nih mai bakah mipui a duh apiang tan anthurium khawi dan chi hrang hrangte zirna hun hawn a ni bawk a. Training duh tan Registration Rs 100 in training tih thei reng a ni a. Resorce person atan John Decor nei tu Pu John-an training hi a pe a ni.

He Anthurium Flower display hi mipui in an hlut hle a, Naktuk ni 17th Sept 2016 hian heng anthurium pangpar khawi chi hrang hrang te hi mipui tan lei theihin a awm dawn bawk.

He Programme hi Horticulture department chuan a sponsored a ni.

Facebook Comments
Leave a Reply