Posted on

Mizo thalaite hmasawnnaa dâltu lian ber chu tawng a ni – Governor

Mizo thalaite hmasawnnaa dâltu lian ber chu tawng a ni – Governor

Institute of Indian Languages & Literature (IILL) buatsaih, ni nga awh ‘National Seminar on Social Science’ chu Inrinni khan Hrangbana College Auditorium-ah khâr a ni a; Governor Lt.Gen. Nirbhay Sharma-a’n hmanpuiin, hmasawnna kawnga Mizo ṭhalaite dâltu lian ber chu ṭawngah a nih thu a sawi.

Larsap chuan, ziak leh chhiar thiam kawnga Mizoramin hma hruai mah se, English leh Hindi thiam kawngah awmzia a nei lem lo tih a sawi a, ” Mizo ṭhalaite dâltu lian ber chu hnam dang ṭawng thiam tam loh a ni. Theihna sang tak nei, Mizo ṭhalaite hian Mizo ṭawng bakah ṭawng dang thiam tam se nasa takin Mizoram an ti­hma­sawn ang a, dinhmun sang zawkah an vawrh chho ngei ang,” a ti.

Mizote’n harsatna an neih pakhat chu, hnam dang leh ram páwn lam mi huphurhna nia a hriat thu sawiin Governor chuan, “Thiamna leh zir chhuah tur hnam dangte nen kan inkawmna aṭangte leh an ṭawng kan thiamna kal tlanga kan hmuh chhuah tur tam tak hi kan la hmuchhuak thei lo,”  a ti a; hnam dangte chu huphurh mai loa hmachhawn leh intihsiakpui a ṭhat thu a sawi.

Lt.Gen. Nirbhay Sharma chuan, Mizote nunah entawntlak a awm thu sawiin, “Gandhi, Nehru, Patel leh Ambedkar-te’n theihtawp chhuaha khua leh tuite intluktlànna an lo zirtir ṭhin kha Mizo khawtlang nunah hian hmuh tur a awm a, hei hi a mawi ka tiin hnam dangte pawhin an entawn a ṭha hle,” a ti.

Social Science seminar khârna inkhawm hi Central University, Assam-a Prof. Nitiyanand Pandey leh IILL chairperson Prof. CE Jeeni ten an kaihruai a; seminar chhungin ṭawng chi thum – Mizo, English leh Hindi te zirho a ni.

– See more at: http://www.vanglaini.org/tualchhung/60424#sthash.Ty9omPeV.dpuf

Facebook Comments
Leave a Reply