PRISM-in AMC lakah FIR an thehlut

PRISM-in AMC lakah FIR an thehlut

PRISM chuan Aizawl Municipal Corporation (AMC) lakah nimin khan Anti Corruption Bureau (ACB)-ah First Information Report (FIR) an theh­lut a; AMC-in Aizawla parking fee khawntu a thlan dan chhui chiang turin an ngen.

PRISM chuan, “AMC-in parking fee khawntu a thlannaa induh­sakna hleihluak vanga cheng nuai tam tak hloh tur pawi tiin siam ṭhat a nih theih nan hma kan la a. July 14, 2016 khan press conference neiin, thil dik lo siamṭha turin AMC kan ngen a. Hma an lak loh avangin July 27, 2016 khan UDPA Minister hnenah hma la tura ngenna kan thlen leh a. Minister pawhin awm­ze nei tura hma a lakna kan hriat tak loh avangin FIR kan thehlut leh ta a ni,” an ti.

AMC-in parking fee khawntu tur a thlannaah, a chháng sangte thlang loin an duhsak zawngte an thlang nia sawiin, “Thuneitute duhsak zawng siam len tumna vangin an sum hmuh theih tur Rs. 32,21,040 an chán dawn a ni,” an ti a; mipui zah lohna leh dan palzûtnaa an ngaih thu an tarlang.

PRISM tarlan danin, kum 2016-17 chhunga parking fee khawn dilna mi 352-in an thehlut a, chu’ng zinga pakua chu area number ziah lan loh vangin hnâwl a ni a, chhannate enfiah leh hnuah 95 hnâwl leh niin, chhanna nung 248 a awm. Parking fee khawnna tur area 58 zinga area pahnih chu chhangtu an awm lo a, area 56-ah parking fee khawntu tur thlan a ni.

Area 56 zinga 34 (60.71%)-ah a chhang sáng zawkte thlan an ni a, area 24 (42.85%)-ah phei chuan a chháng hniam ber thlan a ni bawk.

– See more at: http://www.vanglaini.org/tualchhung/60252#sthash.OWX08uQA.dpuf

Facebook Comments

Add a Comment