Posted on

Police-te tan training buatsaih

Police-te tan training buatsaih

National Institute of Social Defence, New Delhi leh Mizoram Police Training Branch ṭangkawp chuan, nimin khan Aizawl SP pisa conference hall-ah ni thum awh tur ‘State level training on social defence to middle level functionaris of Police department’ an buatsaih a, DGP Thianghlima Pachuau-in a hawng.

Thianghlima Pachuau chuan, khawtlang nuna hnufual deuhte’n thil an tihsualin hrem an tâwk hma a, hremna tâwk pawh an tam deuh ṭhin tih sawiin, “Mi hausa leh awm thei fa, thil tisualte zingah hrem tâwk an tlem deuh,” a ti.

DGP chuan, Juvenile Justice Act chu Police-te’n a nih ang taka an hman dawnin, he dan hmanga an mi hrem turte dahna tur home  duhthusam a awm thin loh avangin police-te’n harsatna an tawh phah fo niin a sawi.

Training hawnna inkhawm hi DIG (Training) C Laldina’n a kaihruai a; training chhung hian Social Welfare, SCERT, Judicial Service, Medical Service leh Police department-a mithiamte’n thu an sawi ang.

– See more at: http://www.vanglaini.org/tualchhung/60256#sthash.wycWoHGR.dpuf

Facebook Comments
Leave a Reply