MPL 5 KHELH TAN A NI DAWN TA

MPL 5 KHELH TAN A NI DAWN TA

Nizan khan I&PR Minister, Mizoram Football Association (MFA) President ni bawk Pu Lal03 Thanzara hovin Lal Thanhawla Auditorium-ah Mizoram Premier League Season 5 khelh tanna tur kick-off programme neih a ni a. All India Football Federation (AIFF) Vice President leh Shillong Lajong neitupa Larsing Ming chuan MPL 5 hi a kick off a ni.

Pu Lal Thanzara chuan Mizoram Premier League in kum 5 hmel a hmu ta chu lawmawm tiin a hlawhtlinna tura sum leh pai, tha leh zung, ngaihtuahna sengtu te zawng zawng chungah lawmthu a sawi a. Mizoram Premier League chu local tournament-te zinga mipui ngaihhlut hlawh, ram pum ang pawha hriat lar a ni chho mek a ni, a ti. MFA President chuan infiammite hmasawn nana sawrkar hmalakna fakin ram chhung leh pawn thlenga Mizo footballer-ten hriat an hlawh theih na chhan chu sawrkarin khelmual tha min pek vang a ni, a ti.

Kickoff-ah hian MPL club pariat captain-te chuan MFA Finance Secretary Pu Lalruatsanga Tochhawng kaihhruaina hnuaiah players te aiawhin thu an tiam a, MPL official ball-ah captain-te hian hming an sign vek bawk a ni. MPL inkaihhruaina danbu MPL season 5 hand book chu MPL sponsor Mc Dowell’s State Head Vipallava Raj Singh chuan a tlangzarh bawk.

MPL 5 khel tur te hi Aizawl FC, Bethlehem Vengthlang FC, Chanmari FC, Chanmari West FC, Dinthar FC, Zo United FC, Ramhlun North FC leh Chhinga Veng FC te an ni.

Facebook Comments

Add a Comment