Zalenna kum 70-na pualin Freedom Run

Zalenna kum 70-na pualin Freedom Run

India Independence Day kum 70-na lawmna atan, nimin khan School Education department bultumin Mizoram hmun hrang hrang hrangah Freedom Run huaihawt a ni a, zirlaite’n kawng an zawh.

Freedom Run hi Aizawlah chuan Chanmari kâwn leh Sikulpuikawn aṭangin neih a ni a; Chanmari aṭanga tlânte chu School Education minister H Rohluna’n a vai liam. H Rohluna chuan, India ramin zalenna a nei chu thil lawmawm leh ropui a nih thu sawiin, “Mizoram ngei pawhin zalenna kan nei hi kan vanneihzia hre reng a, a vawnhim kawngah mawh kan phur a ni,” a ti.

Sikulpuikawn aṭanga tlânte chu parliamentary secretary (School Education) Joseph Lalhimpuia’n a vai liam a; Joseph Lalhimpuia chuan, India ramin Independence Day vawi 70-na a thleng chu lawmawm a tih thu sawiin, zirlaite chu zalenna hlutzia ngaihtuah ṭhin turin a chah.

Chanmari kâwn leh Sikul­puikawn aṭanga Freedom Run-a telte hian Lammual an pan a, Lammualah intâwkkhawmin, inkhawm tâwi buatsaih a ni.

– See more at: http://www.vanglaini.org/tualchhung/59324#sthash.yvih0tHZ.dpuf

Facebook Comments

Add a Comment