Posted on

Kuminah School Education deptt-ah Thawktu mi 20 suspend an ni tawh

Kuminah School Education deptt-ah Thawktu mi 20 suspend an ni tawh

Kumin January aṭanga July thla thleng khan School Education department hnuaiah zirtirtu leh pisaa thawk mi 17 leh SSA Mission hnuaiah mi pathum suspend an ni tawh.

RTI Act hmanga zawhna, School Education department SPIO-in a chhan danin, School Education department-a thawk kumina suspend tawh mi 17 zinga 13 chu Directorate-in an suspend an ni a, pali chu Secretariat lamin an suspend an ni. Suspend zinga pariat chu zirtirtu an ni a, pakua chu department office-a thawk an ni thung.

Suspend mi 17 zingah hian pariat chu sorkar sum tihchingpen vanga suspend an ni a; zu ruih vanga suspend mi pali an awm. Sikul naupang (hmeichhia) chhaih nawmnah vanga suspend mi pahnih awmin, criminal case dang neih vang leh thuneitute phalna la loa hun rei tak sikul kal loh vanga suspend pakhat ve ve an awm bawk.

Thu dawn danin, Darlawn SDEO pisaa thawkte chu sum tihchingpen chungchangah July 27, 2016 khan suspend vek an ni. Zirtirtu suspend tawkte thawhna sikulte chu – Falkland Veng UPS, Riangtlei P/S, Zamuang H/S, Hnahthiala Model H/S, Zamuang H/S (mi pahnih) Khuangleng H/S leh Bualpui ‘H’ M/S-te a ni.

SSA hnuaiah chuan kumina thla sarih chhungin mi pathum suspend an ni tawh a, chungte chu Lunglei, Sairêp leh Luimawi khuaa zirtirtute an ni. Suspend zinga pakhat chu Chanmari, Aizawla thawmhnaw dawra thil rûk vang a ni a, pakhat chu naupang a hrem vang niin, pakhat leh chu mi kut thlâk vang a ni.

Hetih lai hian, SSA hnuaiah hian Right to Education hman hnuah mi pakua suspend an ni tawh a, chu’ngte chu IPC Section 376 (Mi pawngsual thubuai) hnuaia thubuai siamsakte an ni hlawm.

Thawktu suspend chungchanga Vanglaini palai zawhna chhángin, School Education changtu parliamentary secretary Joseph Lalhimpuia chuan, School Education department chu mi dik lo, thil sual ti leh hna thawk ṭha peih lote lakah khawng takin an kal tih a sawi.

Joseph Lalhimpuia chuan, zirtirtu zu ruih chíng, an ruih vanga hna thawk ṭha peih lote an dîm dawn lo a, an chungah khawng taka an kal tur thu sawiin, complaint a awm a nih chhui chian a, puh an nihna finfiah a nih chuan dan angin action an lak zel tur thu a sawi a; zirtirtu leh pisa lama thawkte chu fimkhur turin a chah.

– See more at: http://www.vanglaini.org/tualchhung/59322#sthash.Obm4c5Cl.dpuf

Facebook Comments
Leave a Reply