Posted on

Hunthar-ah chhungkaw 50 huamin lei a khî

Hunthar-ah chhungkaw 50 huamin lei a khî

Hunthar Veng, Aizawla lei tlahniam ṭhin kawngpui chhak lamah tun hnaia ruahsur vangin zau takin lei a khi a; hei vang hian in pahnih ṭhiah tawh a ni a, chhungkaw pakhat insawn chhuak tawhin, chhungkaw pakhat dang an riak chhuak mek.

Hunthar Veng branch YMA president Rohming­thanga hnen aṭanga thu dawn danin, lei a khi tih hi August 13, 2016 zanah hriat a ni. A tûk August 14-ah khawtlangin hnatlangin Lalhlupuii, Luangmual in, Lalengmawii te chhungkaw luah lai chu an ṭhiat nghal a; August 15-ah Lalhlupuii in chhaka Lalrinfela te in an ṭhiat leh bawk.

Lei khî leh tlahniam huam chhungah hian chhungkaw 50 vel an awm tih sawiin, Hunthar Veng YMA President chuan thinthiin an mu meuh lo a, riak chhuak erawh an awm belh rih lo tih a sawi.

Lei khîkna hmun hi Aizawl DC pisa aṭangin thuneitute leh Disaster Management & Rehabilitation (DMR) depart­ment hotute’n an enfiah tawh a; lei khî khuhna tur silpauline eng emaw zat leh tuihâwk paihna tur pipe an pe a ni.

– See more at: http://www.vanglaini.org/tualchhung/59326#sthash.rSkZRofh.dpuf

Facebook Comments
Leave a Reply