Puantah zir chhuakte ṭanpuina hlan

Puantah zir chhuakte ṭanpuina hlan

Lunglei Ramthar Handloom Cluster aṭanga puantah zir chhuak, mi 89 hnenah nimin khan an veng community hall-ah ṭanpuin pek a ni a, parliamentary secretary (Industries) Joseph Lalhimpuia’n a sem.

Joseph Lalhimpuia chuan, Mizoram sorkarin Asia chhimchhak lam ram hrang hrangah Mizo puan hralh turin hma a lak mek thu a sawi a, “Lungleia Weaving Centre sak chhunzawm nan NEDP aṭangin cheng nuai 150 dah a ni. A huhoa puantahna hmun Common Facilities Centre pawh din a ni dawn,” a ti.

Puantah ṭanpuina hi North Eastern Regional Textiles Production Scheme (NERTPS) aṭanga pek a ni a, mi 89-te hi puantahna in sakna atan Rs. 26,000 ṭheuh pek an ni.

NERTPS hnuaiah hian Mizoramah handloom cluster 17 a awm a, chu’ng aṭanga puantah zir chhuakte chu puantahna in sakna tur pek ṭhin an ni a, an tih ṭhat dan azirin puantah khawl leh la pek an ni ang.

– See more at: http://www.vanglaini.org/tualchhung/59151#sthash.molQTqKC.dpuf

Facebook Comments

Add a Comment