I-Day-ah award hrang hrang hlân

I-Day-ah award hrang hrang hlân

Nimina Lammuala Inde­pendence Day vawi 70-na lawmnaah, chief minister Lal Thanhawla chuan huaisen lawmman a hlan a; R Zo­engmawii (30) w/o Robert Z Zote, Zotlang, Aizawl hnenah Jeevan Raksha Padak Award 2015 a hlan.

R Zoengmawii hi October 9, 2014-ah electric hruipuiin Elizabeth Lalramnghaki a man a chhanchhuah vangin Jeevan Raksha Padak Award hi a dawng a ni.

State Award for Teachers 2015 chu GM Higher Secon­dary School, Champhaia lecturer Lalthantluanga To­chhawng, Seling Middle School headmaster Lalchhan­hima Chhangte leh, Electric Veng Primary School-II, Aizawla headmistress C Ramngaihsangi-te hnenah hlan a ni.

President’s Police Medal for Distinguished Service dawng turin DIG (Northern Range) LT hrangchal thlan a nih thu te; President’s Medal for Meritorious Service dawng turin Kolasib SP C Lalzahngao, Mamit SP C Lalnunmawia, Lunglei SP Zosangliana, 1st. MAP assistant commandant Zoramsanga Ralte leh Police Headquarters-a inspector C Lalremliana te thlan an nih thu te; Union Home Minister’s Medal for Excellence in Police Training dawng turin inspector Zochama thlan a nih thute puan a ni bawk.

– See more at: http://www.vanglaini.org/tualchhung/59077#sthash.DLp3SBXp.dpuf

Facebook Comments

Add a Comment