Amtea Midang zingah kan la thlang ber

Amtea Midang zingah kan la thlang ber

Amtea chu JJ Store Dalda Ṭhazual Fakna 10-a lang zingah mipuiin kan la thlang ber a, a hla ‘Ka thlang ber che’ tih chu pakhatnaah a awm leh. Heti hian Amtea hi Ṭhazualah hian a zawnin pakhatna vawi hnih a luah ta

Amtea hi ‘Ka nghing lovang’ tih hla hmangin Ṭhazualah hian kan hmelhriat hmasa a, chumi hnuah a nghin lohzia tilangin, ‘Ka thlang ber che’ tih hla hmangin thlan ber a ni mek a ni.

Pathumna aṭangin Cindy Lalramhlimawmi hla ‘Aw Thlarau Thianghlim’ chu pahnihnaah a rawn invawrh chho a, he nu hi a thiam zêk a, a dinhmun pawh a la ṭhat chhoh zel a rinawm. Estheri Khiangte chu parukna aṭangin pathumnaah a rawn kai chho a, ‘Hmangaihna hlu’ hi a hlawhtlinpui zel dawn a nih hi.

Pahnihna aṭangin Betea hla ‘Ka tan i tuar’ tih chu palinaah a chhuk thla ta. He hla hi Good Friday puala a tihchhuah kha a ni a, Ṭhazualah hian a dinhmun sangah a awm rei thei hle. Tunhnaia album tichhuak hlim hlawt, One In Christ chu an hla ‘Min chhung khat leh ṭhin’ tih hmangin pasarihna aṭangin panganaah an rawn kai chho leh bawk.

Top 10-ah hian lang thar an awm lo a, Stacy VL Muanpuii chuan top 10-ah hla pahnih a nei mek. ‘Khawngaihna thing kraws’ a tawlh hniam mek laiin, hman deuh lawka a tihchhuah thar ‘Hnehna hla mawi’ chuan san lam a pan zel.

JJ Store dalda Ṭhazual Fakna

1 Amtea – Ka thlang ber che

2 Cindy Lalramhlimawmi – Aw Thlarau Thianghlim

3 Estheri Khiangte – Hmangaihna hlu

4 Betea – Ka tan i tuar

5 One in Christ – Min chhung khat leh ṭhin

6 Hlimhlimi – I pan ang u

7 Stacy VL Muanpuii – Khawngaihna thing kraws

8 Zorinsanga Sailo – Chhandamtu ngilnei

9 Stacy VL Muanpuii – Hnehna hla mawi

10 PBK Liankhuma – Ka chung ram mawiah

– See more at: http://www.vanglaini.org/thalai/59083#sthash.UfHcJRAy.dpuf

Facebook Comments

Add a Comment