Posted on

Thirsakawra India fangtu Mizoramah

Thirsakawra India fangtu Mizoramah

Ruihhlo tih leh damdawi hman sual dona atana thirsakawr hmanga India ram state hrang hrang fang ṭhintu Bhausaheb Bhawar, Hasnabad, Maharashtra chuan tunlai hian Mizoram a chàmchilh mek a; tun karah hian Mizoram chhim lam district khawpuite a tlawh leh dawn.

Bhausaheb Bhawar hian ruihhlo dona atana thirsakawra India ram fan hi kum 1993-ah a ṭan a, kum 1993 aṭanga tun thlengin ṭum nga fang chhuak tawhin, Mizoram pawh tun hi a ṭum thum rawn kalna a ni.

Bhausaheb Bhawar hian tun ṭuma Mizoram a rawn tlawh hian Chief Minister, minister-te leh sorkar hotute a hmu tawh a; CM Lal Thanhawla, Assembly speaker Hiphei, minister Lal Thanzara, Mizoram Synod, Salvation Army leh sorkar department ṭhenkhat leh sikul ṭhenkhatte’n an thil tih an hriatpuina thu ziakin an pe tawh.

Bhausaheb Bhawar chuan, Mizo ṭhalaite zingah damdawi hman sual leh ruihhlo chu harsatna thlentu lian tak nia a hriat thu sawiin, “Mizo ṭhalaite an fel em em a, mahse, chìn dan ṭha lo tak an nei a, chu chu damdawi hman sual, meizûk leh zu inte a ni,” a ti a; chu’ng an thil chìn ṭhin ṭha lote chu Mizoram leh Mizo hnam timualpho theitu a nih avangin sim thei se a duh thu a sawi.

– See more at: http://www.vanglaini.org/tualchhung/59035#sthash.aC0cSPqv.dpuf

Facebook Comments
Leave a Reply