Posted on

Aizawl-in India hmarchhak biala Khawpui fai ber lawmman a dawng

Aizawl-in India hmarchhak biala Khawpui fai ber lawmman a dawng

Aizawl khawpui chuan nimin khan Guwahati-ah India hmkarchhak state pariat zinga khawpui fai ber lawmman a dawng a; lawmman hi nimin khan Aizawl Municipal Corporation (AMC) commissioner Dr H Lalthlangliana kutah hlan a ni.

India rama khawpui hrang hrangte dai dan leh bawlhhlawh sawngbawl dan zir chianga lawmman hlantu hi NGO pakhat, Centre for Science and Environment (CSE), New Delhi an ni.

CSE hian nimin tlai khan NEDFi conference hall, Guwahati-ah lawmman hlanna inkhawm buatsaihin, Assam chief minister Sarbananda Sonawala chu khuallian a ni a; vawiin leh naktukah ‘Press briefing and Stakeholder meeting’ neih chhunzawm a ni ang.

Award hlanna inkhawmah hian AMC commissioner Dr H Lalthlangliana chuan, Aizawlin hmarchhak biala khawpui fai ber lawmman a dawn theih chhan chu hmunphiat (sweeper) aṭanga Governor leh chief minister-te thlenga ṭanrualna vang a nih thu a sawi.

AMC Commissioner chuan, Aizawlah public private partnership (PPP) mode hmangin bawlhhlawh paih mek a nih thu sawiin, chumi hlawhtlinna chu a lang mek tih a sawi.

AMC-in bawlhhlawh paih kawnga hma a lak meknate sawiin, bawlhhlawh sawngbawlnaah kutkawr bun leh bawhhlawh fûn ṭhat a pawimawh thu te, Aizawla vendor-te chu a mi cheng zinga 3% an tlin loh avangin dan tlawhchhanin an ṭhutna tur felfai zawk siamsak dan dap mek a nih thu te, bawlhhlawh tihrîralna changtlung zawk Tuirialah buaipui mek a nih thute a sawi bawk.

He hun hmang tur hian Mizoram aṭangin AMC hotute bakah, MJA president Vanlalrema Vantawl leh Vanglaini reporter Malsawmdawngzela te an tel a ni.

– See more at: http://www.vanglaini.org/tualchhung/58840#sthash.lAP7Mv0z.dpuf

Facebook Comments
Leave a Reply