Posted on

Hri léng lakah Health department inrálring

Hri léng lakah Health department inrálring

Health department chuan tun hnaia Manipur-a Japanese Encephalatis hri lêng mek, Kolkata-a dengue léng mek leh Nagaland ep Myanmar rama naupangte’n sentût an vei mek avangin, heng hri leng lakah Mizoram mipui an him theih nan leh Mizorama a darh loh nan Integrated Disease Surveillance Programme (ISDP) chu inring reng tur leh a ṭul thut pawha chak taka hmalak a nih theih nan ruahmanna duang sa turin a hriattir.

Japanese Encephalitis (JE) chung­changah hian Health department chuan, Mizoram leh Manipur ramri hrûla khua – Sakawrdai, Vaitin leh Zohmunahte hri a lèn thut pawha chak leh rang taka hmalak a nih thei nan leh mipuite hrilhhre turin mithiam panga telna ISDP Team kaihhruai nimin khan a tír chhuak. Anni hian vantlang inkhawm neiin, mipuite thil pawimawhte an zirtir ang.

Nagaland ep Myanmar rama khaw ṭhenkhata naupangte’n tun hnaia sentût ang an vei mek leh naupang eng emaw zatin an thih phah chu Health department chuan ngaihthah chi-ah a ngai lo a; Myanmar ramri hrûla awm CHC leh PHC-te chu fimkhur tura chahin, natna dangdai eng emaw an hmuh palh thuah rang takin hotu sang zawk leh IDSP-te hriattir turin an chah.

Dengue chungchangah chuan, he natna hrik pai leh pai lo enna khawl leh a enkawlna chu Aizawl Civil Hospital leh Lunglei Civil Hospital-ahte a awmsa a, chu’ngte chu Sentinel Survelliance Site tih an ni. CHC leh PHC-te chu khawsik dangdai deuh nia an rinte chu ACH leh LCH-ah thisen sample thawn vat tur a hrilh an ni.

– See more at: http://www.vanglaini.org/tualchhung/58794#sthash.uCFWcP54.dpuf

Facebook Comments
Leave a Reply