Posted on

Praise On-ah mentor an awm dawn

Praise On-ah mentor an awm dawn

Synfo-ina a buatsaih tur Praise On-ah mentor an awm dawn a, team pathuma ṭhen tur a ni ang a, chungah te chuan mentor an awm ṭheuh dawn a ni.

Praise On neih turah hian zone parukah Mizoram ṭhenin, heng zone tinah hian audition neih phawt a ni ang a, chunga tlingte chuan Aizawlah, Mission Veng Kohhran Hall-ah intihsiakna an neih chhunzawm leh dawn a ni. Praise On-a tel tura hming pek luh hun tura a tira ruahman hmasak, July 30 thleng tih chu thingtlang lamah harsatna awm thei a awm avangin August 9 thlengin pawhsei a ni.

Top 10-a tlingte chinte chu team pathuma ṭhen an ni ang a, team tinah hian mentor an awm dawn a ni. Team pakhata mentor turte chu K. Lalbiakthanga, Durtlang; Stacy VL Muanpuii, Tuikual leh David Lalvensanga, Khatla te an ni ang. Team hnihnaah H. Lalṭhazuala, Chanmari West; Baby Malsawmtluangi, Chawnpui leh R. Lalmalsawma, Bethlehem te mentor an ni ang a, team thumnaah Manase H. Saphmingthanga, Ramhlun Vengchung; Vanlalpari, Luangmual Vengthlang leh Lalhriatchama, Laipuitlang te mentor an ni ang.

Audition hi Mission Veng, Kolasib Diakkawn, Mamit, Champhai Vengthlang, Serchhip Kawnpui leh Lunglei Chanmari Branch ten an thleng ang.

Praise On hi Synfo-in Branch KṬP te aṭanga zaia intihsiakna a buatsaih tur a ni a, August 12 aṭang khian audition neih ṭan a ni ang a, zone tina neih tur a ni. Audition-ah hian Mizo hla duh ber sak tur a ni ang a, chang hnih leh thunun emaw thunawn nei lo a nih chuan chang thum thleng sak tur a ni ang. Branch pakhat aṭangin pakhat aia tam pawh tel theih a ni.

Intihsiaknaa pakhatna hian Rs. 80,000 an dawng a, pahnihnain Rs. 40,000 leh pathumnain Rs. 20,000 a dawng ang. Top 10-a tling chinten Rs. 5,000 an dawng bawk dawn a ni. Tel tumte chu zone tina audition neihna tur hmun KṬP Branch-ah in-report tur a ni.

– See more at: http://www.vanglaini.org/thalai/57898#sthash.HcYML3Dh.dpuf

Facebook Comments
Leave a Reply