Posted on

Ruihhlo dona kawngah YMA, Police leh Excise an thawkho dawn

Ruihhlo dona kawngah YMA, Police leh Excise an thawkho dawn

Home minister R Lal­zirliana hoin nimin khan a pisaah Mizoram Police, Excise & Narcotics department leh Central YMA hruaitute an ṭhu­khawm a; ruihhlo do kawnga inpuihtawn dan tur an sawiho.

Meeting-ah hian Mizoram a thianghlim zawk nan te, khawlai lên vel a nawm zawk theih nan te, dan loa ruih theih thil tawlh rû leh zuar ṭhinte leh rûi ṭhinte thenfai kawngte Police, Excise leh CYMA-te thawhhona a ṭhat zawk theih dan turte sawiho a ni a; ruihlo do kawnga inpuih tawn dan tur puanzarna August 5, 2016-ah district headquarters tinah neih ni se, an ti.

Aizawl leh Mizoram khawpui dangahte thlamuang taka mi tin an chenho theihna turin Police, Excise leh YMA-te inkarah thawhhona ṭha tak neih a, dan loa ruihhlo zuar leh ruite thenfai ‘Hnatlang rûnpui’ neih an rêl bawk.

Meeting-a thurêlte

•Mizorama ruihlo hluar lutuk tihrêmna atan Police, Excise leh YMA-te thawhho ni se.

•Ruihhlo zuartute leh a ti ṭhinte man chhuah a nih theih nan Police, Excise, YMA ten a ṭul anga inpui tawnin, chak takin hmalak ni se.

•Mizorama ruihhlo lo luhna kawng hrang hrang ramrite uluk taka vilin, a phurh nana hman lirtheite Police/Excise lamin surprise checking nei ṭhin ni se.

•YMA Central/sub-headquarters/group level-a ruihhlo do pawl (SRS, SADS, GADS)-te leh Police/Excise ten thawhhona ṭha neiin ruihhlo donaah inpuih tawn ṭhin ni se.

•Sorkar dan palzût a, ruih theih thil leh a kaihhnawiha inhnamhnawih ṭhinte chu YMA leh Police/Excise duty-te’n manin an phu tâwk hremna pek ngei ni se.

•Aizawl bikah chuan ruihhlo hluar zualna laiah tun aia chakin YMA leh Police-te’n hmalak tum ni se.

•Ruihhlo dona kawnga sum leh pai ṭul angte phuhrûk nan a ṭul anga sawihoa inpuih dan zawn ni se.

•Ruihhloin a tihbuaite chhanchhuah an nih theih nan a remchang leh theih ang anga hmalak ni se.

– See more at: http://www.vanglaini.org/tualchhung/57583#sthash.CEcdxnW3.dpuf

Facebook Comments
Leave a Reply