Posted on

I Day Football-ah 2011 champion Shillong Lajong an tel dawn

I Day Football-ah 2011 champion Shillong Lajong an tel dawn

2016 Independence Day Celebration Football Tournament khel tur a hriat kim ta a, I League club Shillong Lajong FC chu team 10-na an ni. Kumin inelnaah hian Mizoram Premier League club pariat bakah sawm bik AIFF Academy leh Lajong ten knockout inelna ngaihhlut I Day Football nomawi an inchuh ang.

Champion lai?
Kum nga liam ta khan Mizoram chhunga football club-te tana inelna mumal buatsaih a la ni lo a,  Independence Day Football chu inelna ngaihhlut a ni. Mizoram Football Association hmalaknain North East club zinga I League khel hmasa ber Shillong Lajong FC leh Meghalaya club ṭha Royal Wahingdoh FC te chah luh an ni a, tualchhung club-in Shillong club an ngam lo!

2011 I Day Football  final-ah Lajong-in annmahni ang bawka Shillong club Royal Wahingdoh chu 4-0 in an sawp. Hemi hnu hian  I Day Football ṭum li awm leh tawhin Mizoram Police (2012), Chanmari FC (2013), Dinthar FC (2014) leh Aizawl FC (2015) te champion leh tawh mah se Shillong club an inlan tawh ngai loh avangin tun ṭum hi tualchhung football club-te tan Meghalaya club hmaa fiahna hun ṭha a ni ang.

– See more at: http://www.vanglaini.org/infiamna/57427#sthash.OUcRyz7n.dpuf

Facebook Comments
Leave a Reply