Posted on

MHIP Day vawi 42-na lawm a ni

MHIP Day vawi 42-na lawm a ni

Nimin kha MHIP Day vawi 42-na a ni a, Mizoram hmun hrang hrangah lawm a ni. MHIP Day lawmna hi MHIP general headquarters hruaitute’n hmun hrang hranga an hmanpui a, ram hruaitute pawhin hmun ṭhenkhatah hmanpui.

MHIP Day-ah hian branch tam tak chuan in­tih­hlimna hun an hmang a, branch ṭhenkhatin in­tihsiakna an buatsaih bakah, inkhawma thupui zirhoa hun hmangte leh midang ṭanpuina atana hmangte pawh an awm.

Mizoram State Com­mission for Women chairperson Vanlalawmpuii Chawngthu, MLA chuan Falkland branch-ah a hmanpui a; thu sawiin, “Mizo hmeichhiate hi pawl tam takah hruaitu kan ni emaw, dinhmun sang takah kan ding a nih pawhin, pasalte thuhnuaia kûn kan thiam tur a ni a, an thu leh hla ka ngaichâng ṭhin tur a ni,” a ti.

Vanlalawmpuii Chawngthu chuan, Bible-ah chuan, ‘Hmeichhe lû chu mipa a ni a, mipa lu Krista a ni,’ tih thu a awm thu sawiin, “Hmeichhiate a fing leh fel zawk pawh ni se, Pathianin mihringte awmho dan turah mipa a dah chungnung a, inrem tlang taka kan chenho theih nan Pathian thu hi hmeichhiate’n kan hriat nawn fo a ṭul,” a ti a; hmeichhiate chu an incheina tun aia uluk turin a chah.

Ngaizawl branch MHIP chuan MHIP Day leyh an branch silver jubilee an lawm nghal a, parliamentary secretary TT Zo­thansanga’n a hmanpui. TT Zothan­sanga chuan, MHIP-te chu chhungkaw enkawltu ber an nih avangin ram leh khawtlang siam

ṭhat kawngah dinhmun pawimawh tak an chelh thu a sawi.

– See more at: http://www.vanglaini.org/tualchhung/57122#sthash.KabvZJYA.dpuf

Facebook Comments
Leave a Reply