YED i hre ngai em?

YED i hre ngai em?

I hre ngai lo a nih pawhin an music video i hmu thuai dawn a, i hre chho thuai ang. YED hi Mizo rawlthar rual inhlawmkhawm an ni a, Mizotena kan neih loh, boy band an ni. Zo rimawi khawvelah an rawn chuangchhuak a, music video an rawn siam.

Tunhnaia indin a, rawn piang thut a ni lo; YED hian music video an siam hma hian kum khat chhung zet an lo inbuatsaih tawh a, chumi hnuah music video an siam a, an music video hi July 15 hian tlangzarh a ni ang.

YED member-te hi Roa Chhak­chhuak, Ngura Hmar, Blaze, Ticos leh Puipuia te an ni a, inhre lawk sa pakhat mah awm loin Anggu’s Group hnuai­ah Anggu’s Entertainment-in a zawn chhuah te an ni ber. Zai ṭhin an ni lo a, music erawh an khawih ṭhin a, an aw ṭha leh nalh tak, inthup chu Anggu’s Entertainment hian zawng chhuakin, group khatah a siam ta a ni. YED hi Young Exclusive Dreamers tihna a ni.

Anggu’s Group hian Mizo ṭhalaite talent a haichhuahsak ṭhin a, ram puma hriat hlawh eng emaw zat an awm tawh a ni. Kumin hian kum li a tling dawn ta a, kum 4 a tlinna hi Siby’s Farm-ah lawm a ni ang.

– See more at: http://www.vanglaini.org/thalai/57045#sthash.VFdJU5el.dpuf

Facebook Comments

Add a Comment