Posted on

Vawiinah MHIP Day lawm a ni dawn Larsapin MHIP Day duhsakna a hlân

Vawiinah MHIP Day lawm a ni dawn Larsapin MHIP Day duhsakna a hlân

Vawiin hi Mi­zo Hmeichhe In­­suih­khawm Pawl (MHIP) din champha, MHIP Day a ni a, Mizoram hmun hrang hrangah lawm a ni ang. Go­vernor Lt.Gen. Nir­bhay Sharma chuan nimin khan MHIP Day chibai bûkna thuchah a tichhuak a; MHIP Day chu hlim taka hmang turin Mizo hmeichhiate duhsakna a hlân.

Larsap chuan, Mizo hmeichhiate’n Mizoram, Mizo hnam leh India ram tihhmasawn nan thiamna leh theihna an nei tih sawiin, “In finna leh  thiam­nate ram leh hnam tan hlâwk taka hmang zel turin kan duhsakna sang ber kan hlan a che u,” a ti.

Lt.Gen. Nirbhay Shar­ma chuan, mihring­te’n hmangaihna, khaw­ngaih­na, ngilneihna, dawh­theina leh tuar­chhelnate chu nute aṭangin an zir ṭhin tih sawiin, “Hmei­chhiate theihna leh thiamna hi mipate thiamna aiin a nêp chuang lo a; tunlai khawvelah mipa thawh tur bik leh hmeichhe thawh chi a awm tawh lo a, kan inelho vek tawh a ni,” a ti a; khawvelah hmeichhiate’n ram hruaitu nihna an chelh fo tawh thu a sawi.

Mizo khawtlang nun­ah hmeichhiate an thla­muanga a hriat thu sawiin, Governor chuan, “Khawtlang, kohhran leh tlawm­ngai pawl inrêlbawlnaah hmeichhiate’n din­hmun pawimawh an luah chho mek zel a, hnam dangte mit­­hmuhah pawh a chhuan­awm tak zet a ni,” a ti a; Mizoram chu hmeichhiate tan hmun him, hmeichhe chunga hlei­lenna rapthlak awm ve lohna hmuna siam tum turin Mizo mipuite a chah a ni.

MHIP Day hi branch hrang hrangte’n an lawm dawn a, intihhlimna hunte hmangin, intihsiaknate an nei dawn a ni. MHIP general headquarters hruaitute’n hmun hrang hrangah an hmanpui ang.

– See more at: http://www.vanglaini.org/tualchhung/57070#sthash.sBQ7sBfO.dpuf

Facebook Comments
Leave a Reply