Thanzara’n Mizo Tea a tlangzarh

Thanzara’n Mizo Tea a tlangzarh

Ngopa Tea Pvt. Ltd.-in an siam chhuah thar Mizo Tea chu Inrinni khan minister Lal Than­zara’n Aijal Club-ah a tlangzarh.

Lal Thanzara chuan, NLUP hnuaia thingpui chîngtute leh sâwngbâwltute an hlawhtlin thu sawiin, “Biate, Darzo, Baktawng leh Ngopa tlangdung lama thingpui hmuna thawktute chu an thawhrimna leh an hlawhtlinna ka hmu a, an lawmpui awm hle,” a ti a; thingpui fê chu a hralhna lamah harsatna a awm lo tih amah ngeiin a hmuhpui thu a sawi.

Lal Thanzara chuan, Mizo zingah mi ṭhenkhat rei lo te chhunga awlsam taka hausak tum tlat, contractor ni tura inziak lut si lo leh pawisa neih sa awm chuang loa contract hna lian thawh tum tlat te, a hming leh nihna hre chuang loa bungrua supply tuma inrawlh ṭlat thin an awm thu sawiin, “Heng mite hian insiam-

ṭhat an ngai a ni,” a ti.

Mizo Tea tlangzarhnaah hian parliamentary secretary KS Thanga leh Tea Board of India hotute pawh an tel a ni.

– See more at: http://www.vanglaini.org/tualchhung/56974#sthash.1OKioZvY.dpuf

Facebook Comments

Add a Comment