Zangnadawmna phûtin vawk vulhtute’n Court-ah Mizoram sorkar khin an tum

Zangnadawmna phûtin vawk vulhtute’n Court-ah Mizoram sorkar khin an tum

Champhai District Vawk Vulh Association (CDVVA) chuan, vawk vulhtute’n Porcine Repro­ductive & Respi­ratory Syndrome (PRRS) vanga vawk thi neitute zang­nadawmna pek a nih theih­na atan Mizoram sorkar chu Court-a khin an tum.

CDVVA thuchhuahin a tarlan danin, Mizoram sorkar chuan sorkar laipui dan kalhin mimal pakhat hnenah PRRS chênchilhna ram Myanmar aṭangin vawk lak luh phalna special permit a pe a ni. Kum 2014-pawh NLUP hnuaiah PRRS lênna Myanmar rama mi vawk 42,036 sem a ni a, chu’ng zinga 1,037 chauh an thisen enfiah niin, pahnih chu PRRS vei an ni a, a dang zawng zawng chu an thisen endik lohin sem a ni.

Mizoram sorkarin mimal a duhsak zawng hnenah special permit a pek avangin PRRS chenchilhna ram Myanmar aṭangin Mizoram chhungah  awlsam takin vawk lak luh a ni a; chuvang chuan PRRS lên ngai lohna Mizoramah pawh PRRS a lên ve phah tiin an puh.

CDVVA chuan, Mizoram sorkar thil tih dik loh avangin vawk vulhtute’n harsatna lian tak an tawk tih sawiin, “Kan vawk tam tak a thih phah a ni. Mizoram sorkar hian vawk vulhtute hnenah zangnadawmna a pek ngei theihna turin sorkar hi Court-ah khin kan tum. Hei bakah hian, Champhai district chhunga vawk la dam zawng zawngte thisen endiksak vek turin sorkar kan ngen a ni,” an ti.

– See more at: http://www.vanglaini.org/tualchhung/56622#sthash.wAaCSuWK.dpuf

Facebook Comments

Add a Comment