Posted on

Imfact concert-na hmunah Ruihtheih thil leh hriamhrei ken luh awi loh

Imfact concert-na hmunah Ruihtheih thil leh hriamhrei ken luh awi loh

Kar leh khi a ni tawh a, inbuatsaihna pawh a kal zel. IMFACT te Aizawla an rawn concert hunah hian concert-na hmunah zu, drugs, meizial, lighter leh hriamhrei lam chi reng reng ken luh phal a ni lo ang.

Mualpuia R. Dengṭhuama Hall-ah Imfact hian concert an nei dawn a, an concert-na tur hmunah hian venhimna khauh taka ken kawh a ni ang a, zu, ruihtheih thil, meizial, lighter leh hriamhrei keng leh keng lo dap vek an ni ang a, an mansakte chungah action na taka lak a ni ang.

Concert neih dan tur pawh ruahmanna siam a ni tawh a, Imfact hian hla paruk an sa ang a, hei bakah hian a kar lakah quiz leh game hlimawm tak tak buatsaih a ni dawn. Lawmman dawng duh tan Imfact leh K-pop chanchin lo zir chian lawk pawh a fuh viau mai thei. Game hunah hian fan zinga mipa leh hmeichhia panga ve ve thlan chhuah an ni ang a, Imfact member te nena inkawpin inelna an siam ang a, a chak apiangin an kawppui Imfact band-a mi chu an selfie-pui (K-pop ṭawngin Selca) thei dawn a ni.

Concert-ah hian nikuma K-Pop Contest-a India ram puma pakhatna – Frozen Crew chuan opening act an chang a, anni bakah hian Michael M Sailo leh Zorini Khiangte te a ṭan nan an zai bawk dawn a ni. Emcee atan Rini Hlondo hman a ni ang a, KCCI director Kim Kum-pyoung chuan thu tawi a sawi ang.

IMFACT Concert Ticket hi pakhat Rs. 500/- man a ni a, Era Boutique, Millenium Center Ground Floor; Royal Enfield, Sikulpuikawn leh Veraz, Zarkawtah te zawrh chhuah a ni. Gate hi tlai dar 3 aṭanga dar 5 thleng chauh hawn a ni ang a, hemi chhung hian en tum, ticket leite chu a hmuna luh hman tawh tur a ni ang.

– See more at: http://www.vanglaini.org/thalai/56529#sthash.Mt8BVt2O.dpuf

Facebook Comments
Leave a Reply