Biotech Hub Coordinators-te inhmukhawm

Biotech Hub Coordinators-te inhmukhawm

Ni hnih awh tur India hmarchhak state hrang hranga Biotech Hub Coordinators Review Meeting chu, nimin khan Mizoram University auditorium-ah ṭan a ni a, minister Lal Thanzara’n a hmanpui.

Lal Thanzara chuan, sorkar laipuiin Biotechnology department kaltlanga India hmarchhak state hrang hranga hma a la chu lawmawm a tih thu sawiin, “Biodiversity-a hausa hmarchhak state-ah biotechnology thiamna hmang hian hmasawnna hna thawh tur hmabak a tam hle,” a ti.

Health Minister chuan, mi nuai 11 âwrh chenna Mizorama cancer hluar lutuk tiziaawm tura Mizoram State Cancer Institute (MSCI)-in cancer beih lêt hna a thawh mek tichak turin Department of Biotechnology (DBT) – New Delhi-in Molecular Diagnostic Laboratory a rawn bunsak thu a sawi.

Hmarchhak state hrang hranga aṭanga Biotech Hub coordinator mi 200 vel kalkhawmte chu duhsakna hlanin Lal Thanzara chuan, hmarchhak biala leilung hausakna hai chhuah loh tam tak la awmte hai chhuahpui turin biotechnology lama mithiamte a sáwm.

Meeting-ah hian Department of Biotechnology-a adviser Dr T Madhan Mohan chuan India hmarchhaka an department hmalakna a tarlang a; state level Biotech Hub coordinator Prof. N Senthil Kumar chuan Biotech Hub nihphung a sawifiah.

– See more at: http://www.vanglaini.org/tualchhung/56580#sthash.yHVVs64G.dpuf

Facebook Comments

Add a Comment