CYMA-in Mizo Carbon Product neitute Mizoram chhuahsan turin an hriattir

CYMA-in Mizo Carbon Product neitute Mizoram chhuahsan turin an hriattir

Central YMA chuan, Mizo Carbon Product Pvt. Ltd., Luangmual neitu hnam dangte chu June 2016 chhung ngeia Mizoram chhuahsan tur­in an hriattir. Tun hnaia Central-a subsidy an dil­na Mizoram sorkara state level committee-in a pawmpui leh avangin an lawm loh thu an tarlang bawk.

CYMA chuan thu­chhuah siamin, Central Transport Subsidy (CTS) leh Central Capital Invest­ment Subsidy (CCIS) an dil leh mek chu Mizoram sorkara state level committee-in a pawmpui (recommend) leh niin an tarlang a ni.

CYMA chuan, “Mizo Carbon Product-in CTS leh CCIS dik lo taka an hmuh ṭeuh tawh pawh duh tawk lo a, an la dil belh chungchanga CYMA-in a chhui chiangtu tur high level committee din tura Mizoram sorkar (Industries department hotu liante) hnena a thlen tawh chu ngaihchân a nih mek lai a, state level committee May 27, 2016-a meeting-in Mizo Carbon Product Pvt. Ltd. hi CCIS leh CTS an dilna a recommend leh nia hriat hi CYMA chuan ṭha a ti lo a, a lungawi lo tak zet a ni,” an ti.

CYMA chuan, state level committee-in recom­mendation a siam chu an kaltlangpui lui a nih chuan a sum petu Department of Industry Promotion Policy (DIPP), Ministry of Industry, Govt. of India hnenah thil awm dan sawifiah a, an dilna pawm lo tura lehkhaa ngen ni se, an ti a; a copy pawh Prime Minister Office-ah pek tel an tum.

Mizo Carbon Product neitu Ravi Gulgulia leh a pa Ramu Gulgulia te chu Central YMA chuan sorkar leh Mizo mipui zahlo-ah ngaiin, June 2016 chhung ngeia Mizo­ram chhuahsan turin an hriattir a ni.

– See more at: http://www.vanglaini.org/tualchhung/55889#sthash.Nu93xyJ1.dpuf

Facebook Comments

Add a Comment