Month: April 2016

Posted on

Mizoram Super League champion Khatla TBL Khatla TBL

Mizoram Super League champion Khatla TBL Khatla TBL

Mizorama basketball inelna sang ber Zothan Auto Works Mizoram Super League Season 2 chu Zirtawpni zan khan Hawla Indoor Stadium-ah a ṭiak ta a, stadium-a leng lo basketball ngainatu Republic Vengthlangah an pungkhawm. Finals game 3-ah Khatla TBL-in ṭan phat aṭanga inkhel tawp thlengin Tuikual South lakah an chungnun zia lantirin 86-74 in hnehna an chang a, MSL history-a champion zawn hmasa ber leh nomawi chawi thei awmchhun an ni.

Champion team Khatla TBL-in Rs 1,20,000 an dawng a, pahnihna Tuikual South-in Rs 60,000 an dawng ve bawk. TBL champion-na kawnga player thawhhlawk Vanlalmuana chu Most Valuable Player-a thlan a ni a, pahnihna Tuikual South thiampuipa Vanchuangpuia chu Defensive Player of the League-ah thlan a ni. Mimal lawmman dawngtute hian Zothan Auto Works aṭangin Bajaj Microwave Oven an dawng ve ve.

– See more at: http://www.vanglaini.org/infiamna/53541#sthash.KOpGrpon.dpuf

Posted on

25th Lelte Award Mipui zaithiam tih ber K. Lalchamliana

25th Lelte Award Mipui zaithiam tih ber K. Lalchamliana

Ningani zan khan Vanapa Hall-ah Lelte Award vawi 25-na chu sem a ni ta a, Israel Lalbiakrema chuan New Artiste of the Year (Lengzem/Lenglawng) a dawng a, mipuiin SMS hmanga zaithiam bera an thlan chu K. Lalchamliana a ni.

25th Lelte Award-ah hian Lal Thanzara, minister H&FWD chu Khuallian a ni a, Lalrinmawia, Environment & Forests etc minister leh Aizawl Mayor PC Lalhmingthanga te chu Khualzahawm an ni. Award show hi Valpuia Fanai leh Daisy Zorammawii ten an host a, zaithiam lar leh mi pawimawh an kal ṭha hle.

General PYD Choir chuan hla nalh taka remin award show hi an rawn hawng a, Rev. Remlalfaka’n hunserh a hmang. He hunah hian zaithiam fam chang ta mi 15 te sûn an ni. Award sem kar lakah hian zai mawi tak tak ngaihthlak a ni.

Award semnaah hian pã eisual avanga thihna tawk chhungkua

aṭanga dam awm chhun, Miriami pualin bâwm dawh a ni a, hetah hian Rs. 17,725 a tla a, hei hi a account-a thun tura ruahman a ni.

New Artiste  of the Year (Male)

Israel Lalbiakrema

New Artiste  of the Year (Female)

Temi Sailo

Gospel Singer of the Year (Male)

C.Vanlalmalsawma (Sawmtea)

Gospel Singer of the Year (Female)

Lalduhsaki

Singer of the Year (Male-Lengzem/Lenglawng)

Manuna

Singer of the Year (Female- Lengzem/Lenglawng)

Zorinzuali Khiangte

Album of the Year (Lengzem/Lenglawng)

Di Biahzai – Lalenkawli Pautu

Album of the Year (Gospel)

Saiip Puan Sinin – Lalnunpuia Hrahsel Hlate

Album of the Year (Non-Mizo)

Rosy’s Story – Rosy K.Remsangpuii (USATour)

Best Instrumental Video of the Year

Concerto Mizoram

Band of the Year

3rd Sovereign

Music Video of the Year (Gospel)

Ni thar – One in Christ

Music Video of the Year (Lengzem/Lenglawng)

Kan hlim lai ni – Lawmi Khiangte

Music Video of the Year (Group)

Ṭhuva awmhar – Durtlang YMA Zaipawl

Music Video of the Year (Traditional/Hnam hla)

Chhura Sangha Vuak – S.Vox Project

Music Video of the Year (Khawhar Hla)

Ka tuai duhlai – Lallawmawma

Music Video of the Year (Band)

The Prophets – Arora

Choir of the Year

General PYD Choir

Entertainer  of  the Year

C.Lalchunglura & R.Lalmuanpuia ( Khiangawia Part 4)

Song Composer of the Year

Lalremruata (Parema)

Musician of the Year

Kima Chhangte

Traditional Singer of the Year

H.Vanlalhlana

Song of the Year

‘Harhna Ropui’ – Lalnunpuia Hrahsel

Lifetime Achievement Award

Lalbuta, Vulmawi

Young Achiever Award

Joseph Lalrinsanga, Boomarang, Brian Lalruatliana (Boombooma), 3rd Sovereign, Jonah L Hnamte, Reuben Lalchuangkima, The Prophets, Reverse Tragedy, Vishal Gurung, Ronnie Lalrinmawia, Eric Lalremruata, Gordon Lalrinmawia, Lalnunmawia, Samuel Chawngthu

Special Award

K. Lalbiaktluanga, Durtlang; Robert Romawia Royte, Chhinga Veng; Joseph Vaikhuma, Tuikual; Dosavunga

Article of the Year (Lelte Magazine)

Zalianthanga, Tahan – ‘Mizoram Hmathlir’

Chilbil Award (Hmar)

Tv Joseph M.Pakhuongte, Saikawt, Manipur

Chilbil Award (Thahdou)

Ms Helam Boi Baite – Churrachanpur

Chilbil Award (Paite)

Ginlian Hangzo, Churrachanpur

Chilbil Award (Lai)

Linda Lalchhanhimi, Sangau

Chilbil Award (Mara)

Alfina LC Ngopawsia, Siaha

Chilbil Award (Darlong)

Lr Ruata Darlong, Darlak, Tripura

Singer of the Mizo

K. Lalchamliana

– See more at: http://www.vanglaini.org/thalai/53146#sthash.KmpmDfC2.dpuf

Posted on

Smart Tv Box for LED Tv and Old 21/29″ Television

12742078_10153910012298680_196659733103941032_n

Smart Tv Box for LED Tv and Old 21/29″ CTV. Rs 6500(MRP Rs 7499). Contact: 8794275520.

Watch online movies, TV shows, Youtube videos, Netflix, etc. and install any new online streaming apps available in Android Playstore

Install all the apps available in Android playstore.

Connect Internet via Wifi and Ethernet cable. USB mouse, keyboard, web camera, and game pad can be connected.

Display images, videos and audios to TV from DLNA enabled devices.

Connect with your HDMI enabled Monitor and keyboard or mouse to Watch your multimedia(photos, movies and MP3), browse Internet, Skype video call, play android games and much more.

https://m.youtube.com/watch?v=2sL-kuHgsjM

Posted on

Lirnghing vangin chhiatna lian a thleng lo

Lirnghing vangin chhiatna lian a thleng lo

April 13, 2016 zan dar 7:25-a Mizorama lirnghing chuan thil tihchhiat lian tham a nei lo. Lirnghing hi Mizorama lirnghing thleng tawhah chuah a na ber pawl nia hriat a ni.

US Geoplogical Survey tarlan danin, lirnghing inṭanna (epicentre) chu  Myanmar rama Sagaing region-a Mawlaik-ah a ni a, lei chhung km. 135 vela thûk aṭanga irh chhuak niin, magnitude 6.9-a ná a ni.

Lirnghing hian Mizoram pawh na takin a sâwi a, mipui a tithlabar hle a, second 30 vel a nghîng nia hriat a ni. Lirnghing hian Mizoramah thil tihchhiat lian tham a nei lo a, in khi erawh a awm nual thung.

Thu dawn danin, Aizawlah chuan Synod Conference Centre te, New Secretariat Complex-a quarters ṭhenkhat te, Bungkawn Presbyterian biak-inte hmun ṭhenkhatah a khi a; mimal in khi leh bungbel tlachhiate pawh sawi tur a awm. Myanmar ramri bula Zokhawtharah in

ṭhenkhat a khi nual a; Lungleiah pawh Saikuti Hall chu hmun ṭhenkhatah a khi bawk.

Lirnghing hi Mizoram aiin Manipur-in an tuar na zawk a, in chim tlem azawng a awm niin an sawi. India ram hmun dang a sawi tel bakah, Bangladesh ram pawh a sâwi tel a ni.

– See more at: http://www.vanglaini.org/tualchhung/53134#sthash.w8P4r77v.dpuf

Posted on

Mihringa sumdawnna thubuai 20 ziak tawh

Mihringa sumdawnna thubuai 20 ziak tawh

Mizoram police-a CID (Crime) chuan, kum 2000 aṭanga March 2016 theng khan mihringa sumdawnna (human trafficking) chungchangah thubuai 20 a ziak tawh a, a kaihhnawihah mi 42 an man tawh.

CID (Crime) chhinchhiah danin, mihringa sumdawnnaah hian Mizoramah chuan kum 2000-ah thubuai ziah luh ṭan a ni a, thubuai ziah luhte chu an chhui zui nghal zel a, thubuai 20 zinga 16 chu chhui chhuakin, Court-ah chargesheet an thehlut tawh a ni.

Kum 2004 leh 2005 khan thubuai pali ve ve ziah luh a ni a; kumin March thla thleng khan human trafficking tuartu mi 32 an awm tawh.

Hetih lai hian, thubuai chhui lai pakhat an nei a, thubuai dang pakhat erawh chu vanduaina thlenna hmuna police-te kutah an hlan thung.

CID (Crime) SP Lallianmawia chuan, hna thawh tur hmuhsak thei anga phai lam aṭanga inzuar company eng emaw zat an awm tih sawiin, chu’ng hna an zawrhte chu rintlak tak tak a awm laiin, rintlak loh leh mihringa sumdawnna atana hman tum an awm ṭhin avangin finkhur a ngai hle tih a sawi.

Lallianmawia chuan, Mizo ṭhalai, Mizoram pawna hna thawk turte chu, an thawhna tur zir chiang hmasa phawt tur leh a rintlak leh rintlak loh finfiah hmasa turin a chah a ni.

– See more at: http://www.vanglaini.org/tualchhung/53119#sthash.rGLtq8Y7.dpuf

Posted on

FIRE SERVICE DAY HMANG

FIRE SERVICE DAY HMANG

April 14 atanga April 20 hi Fire Service Week a ni a, April ni 14 hi Fire Service Day/ Martyr’s Day a nih angin India ram hmun dangte rualin Mizoramah pawh hman a ni.

Kumin Fire Service Week-ah hian thupui atanIndiasawrkar chuan “Prevent Fire Accident – Promote Nation’s Development” tih thupui a hmang a. Mizo tawng chuan “Kangmei veng la, ram hmasawnna thlentu ni rawh” tihna a ni. Mei tel lo hian mihring a awm theih loh a, mi tin tana pawimawh leh tangkai a ni. Kangmei erawh mihringte tan chhiatna, beidawnna leh tahna, piansualna leh thihna hial thlen a, in leh lo te meivapa chantirtu a ni. Chuvangin kangmei chhuak tur ven hi mi zawng zawng tih tur a ni a, sum tam takkanvenhim hian hmasawnna ki pawimawh takkanthawk tihna a ni.

Fire Service Day/ Martyr’s Day leh Fire Service Week lo chhuahna chhan chu kum 1944, April ni 14 khan lawng, ralthuam leh bomb lamchi tam tak phurtu Indo lawng lian ‘FortStikine’ chu Mumbai lawng chawlh hmunah a kang vak mai a. He kangmei chhuak rapthlak takah hian Bombay Fire Brigade mi 66 leh Bombay Salvage Corps mi 11 kang thelh tute chuan an nunna an chan phah a. Heng mitthite hriatrengna atan hian Fire Service Day hi April ni 14 ah hman a ni ta a, April 14 atanga April 20 hi Fire Service Week ah hman a lo ni ta bawk a ni.

Kangmei chhuahna chhan tam tak hi Electric kalsualkanti thin a. Electric hi amaha kalsual ringawt  thei a ni lova.Kanhman dan a fel tawk loh avanga kalsual a ni zawk thin. House wiring hi uluk taka a thiam (qualified) te chauh tih tir chi a ni a. Wiring fel tawk lo hian short circuit a thlen fo thin a ni. Wiring tih nan hian hmanraw tha tak hman theuh  I tum teh ang. Tunlaiah MCB hman turte a awm tawh a, hman ngei ngei chi a ni. Circuit breaker te pawh tha taka siamin, fuse wire  pawh a rating dik tak hman thin tur  a ni. Electric Istiri, Heater leh Immersion Rod etc. te hi off hmasa zet lo chuan kalsan loh tur a ni a. Power supply khaihlak laia Inkanchhuansan dawn anih pawhin electric hmanrua leh heater reng reng hi a in off ngei a ni tih hi chian hmasak vek chi a ni. Plug point pakhat atanga pawh pen teuh hi socket lamin a zo lova, overloading avangin a lo sa a, kangmei a ti chhuak thin a ni.Kankhawsakna hmun In leh Office te pawh fel fai taka enkawl a, kangmei ti chhuak thei te thenfai fo tur a ni a. Ngaihsam taka kan khawsak thin avang hian kangmei a chhuak fo a ni tih hriaa fimkhur turin Fire & Emergency Services chuan mitinte a chah a ni.

Posted on

India rama zirna ṭha thlang chhuak Mizoram University 51-naah a lang pha

India rama zirna ṭha thlang chhuak Mizoram University 51-naah a lang pha

Ministry of Human Resource and Development chuan India rama zirna peng hrang hrang zirna hmun ṭhate a puang chhuak a, IIT Madras leh IIM Bangalore te a ṭha berah an lang a, university hrim hrim ṭha an thlan chhuahah Mizoram University chu 51-na a ni.

HRD-in National Institutional Ranking Framework (NIRF) report a tar chhuahah hian Indian Institute of Technology (IIT) – Madras chu engineering zirna lamah a ṭha ber a, ma­nagement lamah chuan Inddian Institute of Management (IIM) – Bangalore chu a ṭha ber.

NIRF hian university, engineering, pharmacy leh management zirna hmun hrang hrang 3,500 zet a zirchianna aṭangin report hi a siam a, Human Resource and Development minister, Smriti Irani chuan a tlangzarh a ni.

Engineering lamah chuan IIT te a ṭha ber an ni hlawm a, top 10-ah IIT vek an lang a, Madras chu a ṭha ber a, a dawtah Bombay niin, Kharagpur chu pathumna a ni a, Delhi chu palinaah langin Kanpur chuan pangana a luah pha.

Management lamah pawh IIM ho an che ṭha tlangpui a, IIM lo lang pawh an awm nual. IIM – Bangalore chu a ṭha ber a, pahnihna hi Ah­medabad niin, Calcutta chu pathumna, Lucknow chu palina leh Udaipur chu panganaah an lang. IIM ni lo zinga thleng sang chu International Management Institute, New Delhi chu pasarihna a ni a, Indian Institute of Forest Managment, Bhopal chu pariatna a ni a, top 10-a lang dang chu IIM te an ni.

Pharmaceutical-ah Manipal College of Pharmaceutical Sciences, Manipal chu a ṭha bera thlan chhuah a ni a, University institute of pharmaceutical sciences –Chandigarh chuan dawtin, Jamia Hamdard, New Delhi chu pathumna a ni. Poona College of Pharmacy, Erandwane, Pune chu palinaah langin, Institute of Pharmacy, Nirma University, Ahmedabad chuan pangana dinhmun a luah.

Indian Institute of Science, Bangalore chu Science lam zirna ṭha ber a ni a, Institute of Chemical Technology (ICT), Mumbai chu pahnihna niin, tunlaia chanchinthar luah ngun Jawahar­lal Nehru University, New Delhi chu pathumna a ni a, University of Hyderabad chu palina, Tezpur University, Assam chu pangana a ni. NEHU chu 15-naah a lang pha a, Mizoram Univeristy chu 51-naah a lang pha bawk. North East-ah chuan Mizoram aia University ṭha hi Gauhati University a ni a, 22-na a ni a, NEHU a ni bawk a, Tezpur University a ni bawk. University ṭha bikah hian University 100 an tar chhuak.

– See more at: http://www.vanglaini.org/thalai/52689#sthash.F8Y4Fb2h.dpuf

Posted on

CM-in Tahan Chapchar Kut a hmanpui

CM-in Tahan Chapchar Kut a hmanpui

Myanmar-a Mizote chuan nimin khan Tahan (Kalaymyo)-a khelmualah Chapchat Kut an hmang ṭan a, vawiinah chhunzawm a ni ang. Chapchar Kut hi chief minister Lal Thanhawla bakah, Mizoram aṭangin mi eng emaw zatin an hmanpui a ni. www.vanglaini.org

Tahan Chapchar Kût hi zing dar 9:30-ah hawn niin, Kût Pa Vanmawia’n Kût a hawn hnuah CM Lal Thanhawla’n thuchah a sawi.  www.vanglaini.org

Kûtah hian Tahan leh a chhehvel khuaa Mizo Ṭhalai Pawl-te’n hnam lâm chi hrang hrang leh zaite an entir a; Tahan branch Mizo Welfare Organization (MWO) president Lalthangliana kaihhruaiin nikum leh kumina hruaitu thite sûnna hun hman a ni. Tahan Chapchar Kût hi Mizoram aṭangin Chief Minister-te nupa bakah, Art & Culture director, Central YMA president Lalbiakzuala hoin hruaitu ṭhenkhat te, MZP hruaitu ṭhenkhatte leh zaithiamte’n an hmanpui a ni.

– See more at: http://www.vanglaini.org/tualchhung/52709#sthash.mcQVqPnY.dpuf