Posted on

Vanglaini – KṬP pandal chimah mi 1 thi, 5 hliam

KṬP pandal chimah mi 1 thi, 5 hliam

Nimin chawhma dar 11 vel khan New Champhaia KṬP General Conference vawi 56-na neihna pandal chu hnatlangin ṭhiah a ni a. Senghawi a nih mek laiin a chim a, mi pakhat thiin, mi dang panga an hliam. www.vanglaini.org

Central KṬP hruaitute hnen aṭanga thu dawn danin, pandal chima thi hi Vanmawia (45) s/o Zataia, Champhai Kanan Veng a ni a, a hmunah a thi. Hliamte chu – Lianvela, K Vanlalhlira, T Paungaihliana leh John DK Pauva, Kanan Veng vek leh Lalrinpuia, Salem Veng te an ni a; damdawi-inah hruai ni mah se, an na lutuk lo.

Champhai aṭanga thu dawn danin, KṬP General Conference ṭiak tuk, March 7 aṭangin Champhaia pastor bial hrang hrangte chu pandal ṭhiatin an inhnatlan chhâwk a, nimin kha Kanan Veng bial hnatlan ní a ni. Nimina hnatlangah hian mi ṭhahnem tak an thawk chhuak. www.vanglaini.org

Pandal chim ta chungchangah hian Central KṬP chuan thuchhuah siamin, vanduaina thleng chu Mizoram Presbyterian Kohhran leh CKṬP-in pawi an tih tak zet thu a tarlang a, “Chhiat tâwk leh hliamte tan leh pandal senghawi hna buaipui mektu Conference Organising Committee, Champhai-te tan ṭhahnemngai taka ṭawngṭai turin KṬP member zawng zawng leh Zoram kohhran mipuite kan ngen a ni,” a ti. www.vanglaini.org

CKṬP hruaitu mi pasarihte chu assistant leader Samuel Laldingliana leh general secretary Upa Zonunmawia te hoin Champhai  an pan a, thil ṭul ang angte an buaipui ang. www.vanglaini.org

Territorial Salvation Army Youth chuan KṬP inkhawmpuina pandal ṭhiahnaa vanduaina thleng chu pawi an tih thu tarlangin, mitthi chhungte an tawrhpui thu leh hliamte dam ṭha leh thuai se an duh thu an sawi. A ṭul anga hman atan TSAY Council secretary Maj. Reuben Lalnunthara chuan nimin khan CKṬP hnenah Rs. 5,000 a hlan a ni. CKṬP chuan, TSAY-in tawrhpuina an hlan chu lawmawm an tih thu an tarlang.

– See more at: http://www.vanglaini.org/tualchhung/51523#sthash.y1CFfrwR.dpuf

Facebook Comments
Leave a Reply