Posted on

Aizawl FC 0-0 Shillong Lajong (Full Time)

Vawiin 2:00pm a inkhel, I- League Rajiv Gandhi Stadium, Mualpui, Aizawlah ah khelhah Aizawl FC leh Shillong Lajong te si tumah inpe lovin an in hneh tawk a ni. North East Derby hi Mizoram atanga Ten Action ten an Life Telecast hmasakna ber a ni bawk. Inkhelah an in hneh tawk hle a, entu pawh a tam hle a ni.

Posted on

Mizoramah inkhel hmuhnawm

Mizoramah inkhel hmuhnawm

MPL5 Playoff : February 12, Zirtawpni chawhnu dar 1:30 hian Lammualah Luangmual FC leh Chhinga Veng ten MPL5 Playoff first leg an khel dawn a, second leg hi February 15, Thawhṭanniah khelh a ni leh bawk ang.

Santosh Trophy : Santosh Trophy Qualifier North East Zone chu February 17 aṭangin Lammualah khelh ṭan a ni dawn. Group A-ah Mizoram, Manipur leh Arunchal Pradesh te an awm a, Group B-ah Assam, Meghalaya, Nagaland leh Tripura te awm thung. Group pakhat aṭangin team pakhatin final round an lut ang a, North East aiawhin team pahnih an tling ang.

I League : Aizawl FC-in February 13, Inrinni tlai dar 1:00 hian Rajiv Gandhi Stadium-ah Shillong Lajong an mikhual dawn a, NorthEast Derby hi Ten Action-ah pekchhuah a ni ang. MPL champion hian February 20-ah tun season I League Phase I match hnuhnung berah Mumbai FC an mikhual leh bawk ang.

– See more at: http://www.vanglaini.org/infiamna/49966#sthash.zQyCqf74.dpuf

Posted on

Fire Prevention Week hawn a ni

Fire Prevention Week hawn a ni

Kumin February 10-16 chhunga hman tur, Fire Prevention Week (kângmei vênna hapta) chu nimin khan Mizoram hmun hrang hrangah hawn a ni a, Aizawlah chuan Lal Thanhawla Auditorium-ah chief minister Lal Thanhawla’n a hawng. www.vanglaini.org

CM Lal Thanhawla chuan kângmei ven hapta hman la ngai reng chu a tlawmngaihthlak zawk maha a hriat thu sawiin, “Ramngaw leh nungchate hi Pathianin mihringte nena inmamawh tawn tura min pek a ni a. A thil siam zawng zawng hnena chanchin ṭha hril tur kan nih laiin, nunràwnna chhe ber kan lantir a ni,” a ti a; kângmei ven hna thawhna a thlawna a awm loh nan theihtawp chhuah zel turin mipuite a sáwm. www.vanglaini.org

Kuminah kângmei venna kawngah leh ramngaw leh nungchate humhalhna lamah mi tinin tha an thawh theihna turin DC tinte chu hma la tura hriattir an nih thu sawiin Chief Minister chuan, “Lo hâl vanga ram kan tihkan mai piah lamah inthlahdah vang leh suahsual vang hrim hrima ram kâng a awm ṭhin,” a ti a; ram hmelma nih lohna turin kângmei chhuak thei ven a, a tikang thei turte pawh vengtu nih tum turin mipuite a chah a ni. www.vanglaini.org

CM Hawla chuan, ramngaw leh nungcha humhalh duh pawl an awm zel chu thil lawmawm tak a nih laiin, mite zirtirtu ni awm zawk Aizawl pa ngeite’n sava tam tak an kâp thla ṭhin tih hriat a ni chu pawi a tih thu a sawi a, “Insiam ṭhat a hun hle a ni,” a ti.  www.vanglaini.org

Inkhawm kaihruaitu, Environment & Forest minister Lalrinmawia Ralte chuan Mizoram chu India ramah ram tikâng nasa ber state a nih thu sawiin, “Hmarchhak state zinga kângmei chhuak zawng zawng hmun thuma ṭhena hmun khat hi Mizorama kâng a ni a, a chhuanawm loh hle,” a ti a; tuchhuan lo kal leh zel turte tan ram nuam leh chenna tlak ram siamsak chu mi tin mawhphurhna a nih thu a sawi. www.vanglaini.org

Fire Prevention Week pual hian sorkarin incentive award, district leh village level-a a ti ṭha pathum tan a siam a,  pakhatnain Rs. 50,000, pahnihnain Rs. 30,000 leh pathumnain Rs. 20,000 an dawng dawn a ni.

Week thupui atan ‘Ram tikângtu – Ram hmelma’ tih hman a ni. Kumin hian kângmei ven hapta pualin mascot siam niin, kângmei chhuak lai leh sakhi chuanna ‘Khite-a’ tih hman a ni a, Mizoram hi kângmei venna lam mascot India rama nei hmasa ber a ni.

– See more at: http://www.vanglaini.org/tualchhung/49982#sthash.Y4ZKtVPQ.dpuf

Posted on

Delhi-Lengpui via Guwahati flight

Delhi-Lengpui via Guwahati flight

Mizoram sorkar chuan thuchhuah siamin, March 27, 2016 aṭangin Delhi-Lengpui inkarah Guwahati kaltlangin thlawhna thlawk a awm dawn thu an tarlang. www.vanglaini.org

Sorkar thuchhuah tarlan danin, Jet Airways chuan Delhi-Lengpui via Guwahati flight atan boeing 737, mi 168 chuan theihna a service tir dawn a, kumin March 27 aṭangin ni tin a thlawk ṭhin ang. www.vanglaini.org

Thlawhtheihna hi Delhi aṭangin zing dar 10-ah thlawk chhuakin, dar 12:30-ah Guwahati a thleng ang a, Guwahati aṭanga chhuak lehin chawhnu dar 2-ah Lengpui a thleng ang. Lengpui Airport aṭang pawhin Guwahati-ah châwl zawkin zan dar 6:30-ah Delhi a thleng ṭhin dawn a ni.

– See more at: http://www.vanglaini.org/tualchhung/49988#sthash.qTasLeCI.dpuf

Posted on

Mayor-in leichimna hmun a tlawh

Mayor-in leichimna hmun a tlawh

Aizawl Municipal Corporation (AMC) mayor PC Lalhmingthanga leh deputy mayor Lalringliana te chuan nimin khan Laiputlanga leminna hmun an tlawh a, lei chim ṭhin vên dan tur an enfiah. www.vanglaini.org

PC Lalhmingthanga chuan, Laipuitlang leimin leh lei che reng chu an ngaih pawimawh thu sawiin, “Helai hmun hi a rang lama siam a pawimawh a, lei chim leh mai thei tur venna hi ngaih pawimawh a ngai a, sum awm lo chung chung pawhin bawhzui a ṭul,” a ti a; Smart City sum a taka hman theih a nih hunah lei chimna hmun chu AMC hming chher nan hmun pawimawh leh nuam takah siam ṭul a tih thu a sawi. www.vanglaini.org

Mi 17 an thih phah tawhna hmun, Laipuitlanga leiminna hmun chu a siam rem dan tur AMC engineer-te nen sawihoin, Aizawl DC-in endik tur Joint Inspection Team a din ṭha an tih thu sawi a ni a; lei chim leh thei ven dan tur ruahmanna an lo siam tawhte thlirin, hmalak zel dan tur sawiho a ni.

– See more at: http://www.vanglaini.org/tualchhung/49994#sthash.I6ybHW2y.dpuf

Posted on

Airport hnaia lo hâl hun

Airport hnaia lo hâl hun

Mizoram sorkar chuan thuchhuah siamin, Lengpui Airport chhehvel khaw ṭhenkhata lo/leipui/huan hâl avangin thlawhtheihna ṭum leh chhuak tur atan harsatna a siam ṭhin avangin tlai dar 3 hnuah chauh lo hal tur a nih thu a puang. www.vanglaini.org

Tlai dar 3 hnua lo hal tur khuate chu – Rawpuichhip, Ṭuahzawl, Hmunpui, West Serzawl, Dapchhuah, Dilzawl, Nghalchawm leh Lengte rama lo/leipui/huan hâl tur turte an ni a; lo hal hun hnuhnung ber chu March 15 a ni.

– See more at: http://www.vanglaini.org/tualchhung/49989#sthash.BsTkbOIV.dpuf

Posted on

Mizoram junior team an vanduai

Mizoram junior team an vanduai

50th Junior National Football for BC Roy Trophy-ah Mizoramin champion nomawi an humhim zo lo. Nimin final-ah inelna thlengtu Punjab-in penalty hmanga Mizoram hnehin an champion.

S.Kartar Singh Bains Memorial Football Stadium, Punjab-a inkhelah Mizoramin Lalbiaknia (Tawia) hmangin hma hruai mah se Punjab-in injury time-ah an sut a, extra time-ah goal a luh loh hnuin penalty shootout-ah Punjab 4-2 in an chak.

Goal khat
Mizoramin defensive game khel mah se bul an ṭan ṭha a, minute 10-na lekah tlarhmaa mal tlat Tawia’n chance ṭha a hlah. Punjab lamin freekick hmangin Mizoram an rum ṭhaih zui a, yard 30 vel aṭangin goal ban an pet per a, Mizoram an him.

Minute 27-naah Chite Veng rawlthar Tawia’n box chhungah Punjab defender-te bumin chiang zetin a pet goal a, attacking midfielder Lalṭhapuia’n minute 40-naah Punjab keeper chauh hmachhawn mah se Mizoram goal hnihna a khung thei lo.

Goalkeeper pahnih inhliam vanga lut Zoliansanga’n hna hautak a nei lo, final-a keeper Sangsanga hi semifinal-a chakna goal khungtu a ni.

Defensive game
Second half an ṭan a, Punjab-in an siphurh sut tumin na takin an nawr let a, Mizoram hna ber chu an goal neih sa venhim a ni.

Mizoramin hian defensive game khawng ṭha tak an khelh avangin Punjab-in nawr bet mah se goal khungna chance ṭha an nei lo. Mizoramin counter attack hmangin goal khung belh theihna tur hun ṭha an nei zawk a, keeper nen chauh an inhmachhawn hnuah ṭum hnih dang an hlah.

Injury time-ah Mizoram keeper Sangsanga a chesual a, Punjab freekick pet chu man theih mai niin lang mah se a nam per sual a, goal-ah a luh zui avangin 1-1 a ni.

Extra time
Player inhliam vanga buai Mizoram tan penalty shootout hmanga vanneihna zawn chu an tih theih sang ber niin a lang tawh a, theihtawp an chhuah avangin Punjab-in extra time minute 30 chhungin goal an khung thei lo.

Punjab an vannei
Penalty shootout-ah inelna thlengtu Punjab-in ṭantu an nei ṭha a, Punjab lamin pet hmasain goal an khung nghal a, Mizoram erawhin an hlah thung. Punjab tana a vawi thumna pettuin a pet goal lo a, Mizoramin nih rual theihna hun ṭha an bawh pelh. Punjab an chesual nawn tawh lo a, penaltyshootout-ah 4-2 in an chak.

Fak phu Mizoram
Mizoramin inhliam vang leh hrem vangin midfielder pali an chhawr thei lo a, khawihli neih vangin goalkeeper pahnih an chhawr thei lo bawk. Player 20 awmna squad-ah Mizoramin an player pawimawh paruk an hmang thei lo a, chutichung chuan huaisen takin final an hmachhawn. Nomawi humhim thei lo mah se Mizoram hian chak an phu a, team enkawltute leh player-te an chhuanawm hle.

Team enkawltute thukhawchang
Mizoram coach Lalremtluanga chuan, “Kan theihna zawng zawng kan chhuah a, chak thei kan ni a, a tawpah erawh kan squad chhah tawk loh kan tuar a ni. Kan vanduai tih bak sawi tur ka hre lo,” tiin chak tuma theihtawp an chhuah thu a sawi.

Mizoram manager Lalchhuanawma Pautu (L.Ch-a) chuan, “Chak thei kan ni a, mah se kan vanneih ṭum a ni lo. Kan result-ah lawm lo mah ila player-te khelh dan erawh ka chhuang hle. Kan chak loh chhanah tumah inmawhpuh tur kan awm lo, team angin kan khel a, kan chak lo pawhin team angin kan chak lo tur a ni,” tiin Vanglaini palai a hrilh.

Final Kalkawng
Group Stage
Mizoram 2 – 0 West Bengal
Miz : K. Roluahpuia 7′; Lalbiaknia 78′

Mizoram 1 – 1 West Bengal
Miz : K. Roluahpuia 32′

Semifinal
Mizoram 2 – 1SAI
Miz : R. Lalṭhapuia 45′; Zoliansanga 97′

Final
Mizoram 1 – 1 Punjab
Miz : Lalbiaknia 27′
Penaltyshootout-ah Punjab 4-2 in an chak

– See more at: http://www.vanglaini.org/infiamna/49641#sthash.oITDXJIC.dpuf

Posted on

Mahni thua dan kenkawh duh lo

Mahni thua dan kenkawh duh lo

Mizoram Police Sub-Ordinate Officer (MPSOA) chuan thuchhuah siamin, mi ṭhenkhat sâhâwkin khawtlang hruaitute thu zah zo lo leh thu hnu dáwn loa mahni kuta dan an pâwnglâk ṭhin chu vanduaithlak an tih thu an tarlang a, “Kan dem tak zet a, a civilized society kalphung lo hle a ni,” an ti. www.vanglaini.org

MPSOA chuan, tunlai hunah dan kengkawhtute laka lungawi lohna neite’n department hotute hnenah lungawi loh thu awlsam taka thlen theih a nih thu sawiin, “Kawng inhawng reng chung leh michhe ber pawh an zualko theihna tur, High Court hial kan tapchhak záwlah a awm tawh a ni,” an ti a; a náwlpuia dan bawhchhiat ṭhinna laka inthiarfihlim turin Zoram mipuite an ngen a ni.

– See more at: http://www.vanglaini.org/tualchhung/49628#sthash.N4gEgd86.dpuf

Posted on

Industrial Estate tan nuai 1802.56 hmu

Industrial Estate tan nuai 1802.56 hmu

Mizoram sorkar thuchhuah chuan, Zuangtuia Industrial Estate tihchangtlun nan sorkar laipuiin cheng nuai 1802.56 a pawm tih a tarlang.  www.vanglaini.org

Sorkar thuchhuah chuan, Industrial Estate tihchangtlunna tura cheng nuai 1802.56 hmuh tur chu chief minister Lal Thanhawla, Industries minister H Rohluna leh parliamentary secretary (Industries) Joseph Lalhimpuia te ṭhahnemngaihna vang a nih thu a tarlang a ni. www.vanglaini.org

Sorkar tarlan danin, cheng nuai 1802.56 hi Industrial Estate tihchangtlun nan te, a panna kawng zauh nan te, Common Facility Centre din nan te, kawlphetha lak luhna atante leh thil pawimawh dang atan hman tum a ni. Hna thawh a nih dawn avangin Zuangtui Industrial Estate chhunga dan loa awm te, allotment fee leh annual fee pe lote chu lo inring lawk turin a hriattir bawk.

– See more at: http://www.vanglaini.org/tualchhung/49645#sthash.Myp1BTZr.dpuf

Posted on

Kum 30 chhunga Aizawl vawh ber ni – January 24, 2016

Kum 30 chhunga Aizawl vawh ber ni – January 24, 2016

Directorate of Science and Technology chuan nimin khan chief scientific officer Dr RK Lallianthanga hoin a pisaah kum 1986-2016 (January) chhunga Aizawl khawpui lum leh vawh dan zir chianna an nei a; kumin January 24 kha kum 30 chhunga Aizawl vawh ber ṭum a nih thu an tarlang. www.vanglaini.org

Dr RK Lallianthanga chuan, Science & Technology-in Mizoram tan kawng hrang hranga hma a lak chhoh dan te, State Meteorological Centre-in khaw awm dan data lakna kawnga hma a sawn dante leh State Climate Change Cell-in sik leh sa danglam chhoh dan zirna kawnga hma an lak dante a sawifiah. www.vanglaini.org

State Climate Change Cell-a project scientist pahnih Lalthanpuia leh James Lalnunzira Hrahsel ten a lem nen khaw chin an zir chianna an tarlang. www.vanglaini.org

Meeting-a tarlan danin, January 24, 2016 kha kum 30 chhunga Aizawl vawh ber ni a ni a, temperature hniam lai berin celsius degree 3.7 a ni. January thla chhunga average minimum temperature chu celsius degree 6.37 a ni thung. www.vanglaini.org

Data aṭanga alan danin, kum 30 chhungin, January thla ni tina a lum ber lai chawhrual a pun dan chu, kum tin celsius degree 0.087 a ni a, a vawh ber lai tlak hniam zel dan chu celsius degree 0.034 ang zel a ni.

– See more at: http://www.vanglaini.org/tualchhung/49624#sthash.eBiuE5MV.dpuf